[旅遊系列]雲南昆明 --- 金殿

http://snake-planet.blogspot.com/2008/02/blog-post_20.html

遊金殿，最重要係了解明清兩朝既歷史。呢座殿係明朝萬曆年間建成，明崇禎十年"1637" 被移到賓川。清康熙十年"1671"當時既平西大將軍吳三桂下令重建金殿。係昆明仲可以搵到好多當年吳三桂下令修建既好多寺廟文物。

金殿係全中國最大既全銅建築物，由門窗屋簷到橫梁地版全部都係銅做。不過好多位都以經生左秀，睇唔到"金殿"個種金碧輝煌。不過黎到幻想下當時吳大將下令溶銅十萬斤既場面，都幾有幾有趣味。



金殿隔離仲有個"吳三桂與陳圓圓文化苑"咁上下既野。裡面有兩件古物，分別係真武七星劍同吳三桂大刀。七星劍全銅做，原本係掛係金殿裡面做真武大帝既佩劍既。而家拆左落黎做左文物。"唔知係咪驚被人偷呢？"吳三桂大刀真係吳生用過既，木柄，重12斤。當年吳生被封平西大將軍，所以將自己用過既木柄大刀留係太和宮"金殿"以炫耀其威武。果然，同傳說中豪傑用既兵器，把把百二斤，二百斤。有d ；出入。古人始終都係愛吹水既。
吳三桂大刀

吳三桂"沖冠一怒為紅顏"引清兵入關，陳圓圓成為改朝換代既關鍵。