七國咁亂
责任感爆棚的完美主义者的活法
10 年前
生於此地就是命途坎坷......
朋友是中國人, 一個人住在深圳一幢私人樓宇. 大慨就是咩咩商城咩咩花園左右吧. 從來沒有去探訪過, 今天心血來潮, 登門造訪. 一般人都認為大陸生活質素低落, 物質短缺, 缺乏享受. 此行比我深深咁感受到, 自己既住屋質素係可憐到咁既地步.
一個普普通通既住宇單位, 大陸既標準就是150個平方米. 現場既估計, 以香港私人樓既標準, 超過2500呎, 玄關(比你除鞋個個位)都有50呎, 則邊仲要附設一個面積70呎, 蔚藍灣畔式大露台. 大廳連客廳超過500呎實用面積, 廳房迷你複式設計, 客廳入房有四級樓梯. 13呎樓底, 三房兩廁. 全屋典雅裝修. 格局有如樓盤示範單位或雜誌專訪名人屋企咁樣樣. 參觀完呢個家, 我發現自己係香港既屋企同籠屋無分別. 相信如果係香港, 我做一世(或者兩世)甚至中六合彩都應該支持唔到呢個住屋環境. 而呢間屋既主人呢, 亦都唔係咩達官貴人, 富豪階級. 佢只係一個獨居, 畢業無耐, 比我小兩歲既銀行職員.
生活有時就係咁無奈, 大陸既人咁想黎香港. 香港人反而走番去大陸住. 做人得個幾十年, 如果呢一世都要匿係呢個500呎既窩居, 層樓就算升左十倍. 唔通留番d錢黎係地府起酒店?
放假睇好戲 --- X3
睇戲真係好, 除左投入個劇情以外. 仲可以勾起好多回憶~~ 好似今日呢套X3. 其實由第一套 X-man 開始. 已經好不自覺咁諗起星空奇遇記...... 皆因阿冼樸隊長個造型實在太經典啦~~~ hahaha. 加埋同樣係 "前企業號船員"既 Jean Grey. 真係一模一樣! 所以 casting 既野似終都係有偏好既~~
講起呀 "Jean Grey" Famke Janssen, 其實係星空奇遇記對佢印象唔多. 反而近期見得最多就係 Nip/Tuck. 佢演戀童亂倫女人 Ava. 真係有夠搶鏡, 個種癲癲喪喪真係比人好深印象. 我睇電視都睇到嘩嘩聲. 不過做 Jean Grey 就唔似樣啦, 漫畫既 Jean Grey 成個打左男性荷爾蒙既肌肉super-women 咁. 邊有咁靚女.
p.s. 今集 Kathrine Pryde (戲譯Kitty Pryde) 換左人演, 新女角極之生面口! 不過好戲過木口木面既 Rogue 啦 (雖然Rouge 靚女d)
花謝水流倏忽, 嗟年少光陰.
花謝水流倏忽, 嗟年少光陰.
有天然、蕙質蘭心.
美韶容、何啻值千金.
便因甚、翠弱紅衰,
纏綿香體, 都不勝任.
算神仙、五色靈丹無驗,
中路委瓶簪.
人悄悄, 夜沉沉.
閉香閨、永棄鴛衾.
想嬌魂媚魄非遠,
縱洪都方士也難尋.
最苦是、好景良天,
尊前歌笑, 空想遺音.
望斷處, 杳杳巫峰十二,
千古暮雲深.
柳永《離別難》
點雪茄 --- Harvest strawberry handrolling tobacco
貪得意既嘗試, 事實上趣怪既士多啤梨味唔算突出, 不過有少少香料中和返d煙臭味. 感覺比較容易接受. 加上幾可愛既包裝, 卷成幼幼的 的一支可能女仔會鐘意多d.
p.s. 諗諗下可能咖啡味會幾 funny~~
放假睇好戲 --- The Da Vinci Code (達文西密碼)
首先講既係, 呢套戲主要係比 fans 睇既. 而我, 絕對係fans, 所以我睇得好過癮. 如果你係抱住睇荷里活冒險娛樂片既心態入場的話. 一定會非常失望, 對無睇過小說既觀眾黎講, 呢兩個鐘頭二十分鐘只會係悶到訓著. 但係沉迷原著小說既fans 們, 應該會同我一樣, 對於"最後的晚餐"既親身演說, 藏密筒, 栱心石既樣. 各大建築等等感到雀躍興奮. 此類電影有樣好處, 就係給予從小說幻想既人一個印證, 睇既時候大家都在比較場面同自己諗既一唔一樣, 呢個係睇小說改編電影既一個樂趣. 的確~ "Why is it divine or human? Can't human be divine? " 信仰在於信心.
可惜既係 Tom Hanks 今次無咩大發揮, 同原著小說一樣, Dr. Robert 除左係最重要既場合解謎之外. 其餘時間都係行行企企. 反而呀 "磁力王" 比人印象好深刻. Audrey Tautou 瘦左, 無以前面圓圓咁可愛, 重口音既英文亦都唔易習慣.
就小說黎講, 其實我鐘意 Angels & Demons 多d. 期待電影既來臨~~~
再續!!! Keroro !!!
睇黎以經好似 John Nash 咁, 習慣左同耳邊既 Kero~ Kero~ Kero 一同生活, 久唔久仲識 Tama~ Tama~ Tama~ 咁共嗚下tim! 好順利咁又睇左八集, 仲有20集.
放假睇好戲之 --- The Black Dahlia (艷屍案中案)
為咩睇? 咪又係Scarlett Johansson~~~ 對呢套野既意見係... 又長又閹悶. 真係悶得好嚇人, 
睇黎係導演唔岩我心水, 佢之前個套 "絕色偷天" 我以經唔知佢講咩. 點知今次仲嚴重! 我無睇過原著小說, 但係感覺得出如果睇原著慢慢讀應該幾好睇. 但係睇黎導演真係照住本小說一版一版咁跟住拍.... 短短兩個鐘頭我真係消化唔到個故仔, 完全睇唔明...
男主角有褔, 搞完呢個去搞第個番轉頭再搞番呢個, 床戲多到暈. 如果有更好既配樂可能會無咁悶.仲有好多煞有介事既鏡頭運用, 一時 fing fing 下呀, 一時轉轉下呀, 一時pan in 一時pan out. 仲有好多第一身鏡頭, 對焦時遠時近. fing 到頭都暈埋...... 真係唔識欣賞...
p.s. 最失望係今次 Scarlett Johansson 唔靚女. 仲有暗瘡.. >.<
搵食行遠D之 --- 花卉食坊 BBQ 場
尋日睇完一日既 Keroro, 今朝起身頭暈暈. 突然電話響先醒起今日約齊晒人燒野食. 即刻上網睇下個地址係邊, 開車赴約.
首先要講講, 今次係超級大投訴. 從來無試過去一個地方食野係有咁強烈比人昆水既感覺既! 一行十幾人到達"花卉食坊"既門口. 有人事前話曾上網睇過此地方網頁, 有話環境幾好云云. 但係未入去, 已經比個價錢牌嚇親 --- $98 位包一支水, 限時四小時, 坐多陣都得掛?. "都幾貴wo" 再睇睇d野飲 --- $10 支飲品, $6 細蒸溜水, $20 支細青島啤. "睇黎搶錢係d野飲wo..." 朋友話. 錢, 都算啦, 一大班人無謂扭扭檸檸. 點知一入都去~~ 嘩! 花卉食坊??! 有花咩?? 現場環境好似空置左幾年咁... 應該有花既地方全部都變晒一條條, 曬黃晒既權木. 無人淋水, 全部植物既狀態都好惡劣... 同之前想象既花開處處, 欣欣向榮既感覺完全唔同. 環境唔好. 服務態度亦係難以想象般差, 特別係唔知老闆定經理個位. 我覺得我好似欠佢好多錢咁, 十問九唔應. 問幾錢? "你睇唔到咩?", 汽水唔凍wo.. "係咁架啦". 好似好想我快d走咁. 埋位坐低, 有職員黎開爐, 見佢堆足一大車炭黎, 倒也唔慳野, 但係問題黎啦 --- 十分鐘之後個爐火旺到好似火焰山咁... 無人行到埋去. 全部人愈坐愈後... 後來跟本無人燒, 呢一餐食得真係好辛苦... 全部人貼錢買難受既感覺好強烈~~~
至於食物質素, 本來BBQ 食物都唔多要求架啦, 但係呢間野實在慳皮得好緊要, 據介紹, 有二十多樣BBQ 食品和熟食任羅仲有自助沙律等等等等. 現場呢~ 生既有十數樣全部都係最最普通個d 腸, 丸, 雞翼, 牛扒等. 全部醃左等於無醃. 熟食搵極搵唔到, 原來最則邊有盤清炒椰菜花同茄汁意粉... 無錯, 連肉醬都慳番... 沙律吧就係一堆生菜, 粟米粒,番茄同幾支沙律醬放係雪櫃. 個雪櫃係壞既. 裡面既野都係暖暖咁... 無人敢食. 調味料呢, 支美極鮮醬油裡面係唔知咩鼓油黎, 棘椒仔溝左好多水, 蜜糖係沖黎飲個d百花蜜溝水.... 每一個部份都好得人驚... 入場時每檯 (約十人)獲派一個鐵盤, 規柜係只可以用個個鐵盤出去羅野食, 食完先可以再羅... 感覺完全同去乞無分別. 加炭啦wo~ 諗住比成$98, 成檯加埋成兩千蚊啦wo, 唔係要我自已搞掛??? 結果朋友出去只係乞到一對膠手套番黎... 個爐燒到紅晒成班男人又用叉又用腳身水身汗... 擔泥都無咁辛苦... 此情此景... 眼裡面真係有兩行熱淚流緊落黎~~ 真係此刻無價!!! 比人搵苯實到咁既地步~~ 呢一世都會記住!!!!
點雪茄 --- 尼加拉瓜雪茄
一向, 雪茄都係古巴先正宗! 正如今日亦有好多人覺得葡萄酒法國先係野一樣. 自己覺得多明尼加雪茄一樣有可取之處. 亦正如古巴好比old world 酒, 多明尼加好比 澳洲,智利等new world 酒一樣.
今次大膽D, 似下尼加拉瓜既. 冷門歸冷門, 事實上, 尼加拉瓜, 宏都拉斯等都係幾個雪茄主要生產國之一.
拎上手第一個感覺係 --- 粗!. 的而且確, 茄衣既手工係無靚既多明尼加煙咁仔細, 但係亦好証明佢強調既100%手捲. 當然價位唔同亦係一個主要原因, 貴d既相信同樣手工都會好d. 剪口後, 個cap 碎左一截, 又係唔靚既証明啦! 點知點火後... '又唔係咁差wo..." 朋友話. 口感淡而順滑, 好有多明尼架既風格. 甜味突出. 好重咖啡同Coco 既香味. 煙少, 燒得好慢. 但係又有適中既 finishing. 較唔好既係, 燒得唔係好靚仔. 相信第日可以再搜購一d 好既再研究研究~~ 哈!
搵食行遠D之 --- 富田和食亭
好
食! 日本野一向講究 presantation, 不過好似和民咁既居酒屋形式日本菜以價格相宜做主打. 外觀自然不能大多要求. 不過呢間新野價錢故之然唔係貴, 野上到檯亦能見得大場面! 如此係到食左一餐, 淨係盛載器具見佢地羅出羅入都有三四個系列, 檯檯都有唔同樣. 菜式擺碟都可算係有花唔少工夫! 加上各壽司一般只係十數元. 三文魚壽司一客只係 $9!!! 有咁既樣, 真係難能可貴. 難怪新開無耐以經咁旺場! 希望佢地唔好好似一般食店咁, 可以繼續惟持住品質啦.
惟一不足既係地方太窄啦, 行出行入都要借歪借歪. 不過世事邊有完美呢~~~
人生苦短
此無聊時正在手渣拔蘭地, 腳踩寶寶比比. 剛起念頭想切個美心雙黃白蓮蓉黎送酒. 回想起呢幾日舟車勞頓, 搬搬抬抬. 忽然感嘆人生大半光陰都係虛秏係做苦工之上, 真正得個享受既往往都係收尾個幾年. 而家時移世易, 萬一年少時退休計劃做得唔夠多分分鐘連呢幾年都唔過得世. 真係生活係大都市就係咸都無謂. 為左確保我既退休生活能夠實行, 所以我決定而家首先做晒退休會做既野先! 聽日去報名學耍太極!!
放假睇好戲 --- Interpreter (叛譯者)
好精采, 實話實說, 係一個咁唔吸引人既題材之下可以演譯得咁緊湊精采, 導演功不可沒. 故事以非洲小國既政治鬥爭為背景. 一聽就知無刺激飛車槍戰無床上戲無性感衣著無搞笑橋段純粹劇情搭夠. 呢D戲係香港註定唔收得. 但係以劇情片既measurment 呢套戲大出意料咁好睇. 故仔完全唔係Classic 劇情既主角無意中發現驚天大秘密比人
追殺結果點點點扭轉逃出生天之類. 愈睇落去愈緊張愈新鮮, 連場文戲又有 Nicole Kidman 同 Sean Penn 影帝影后表演比你睇咩叫驚人演技. 鏡頭close up 住 Nicole Kidman, 唔洗動作唔洗表情. 以經好清楚佢心情有咩變化, 佢想表達d 咩比你知. 菲林就係要黎拍呢d 野架麻!!! 最欣賞中段搭巴士個段, 組職得好緊張. 成段只係對話, 但係因為事前舖排同出奇既發展令由頭到尾打醒精神睇住究竟跟住點. 呢d 係睇劇情片既刺激, 鬼佬成日話既 Cinematic 應該就係咁啦.
[優惠] 歐洲進口花茶, 花草茶 網友優惠
最近由於全力實行脫貧計劃所以甚少更新日誌, 的而且確脫貧計劃未成功所以一切吃喝玩樂活動都惟有暫停. 為左最低限度交代本人近期既動向, 所以將最近既網友大優惠都奉獻理出黎.
有興趣者可以 e-mail 我查詢.
歐洲進口花茶, 全部符合德國之ISO3720標準及DIN 10800系列的品質檢定標準.
紫玫瑰花 (Purple rose): 治內分泌失調、腰痠背痛、能調氣血、消除疲勞
玫瑰花瓣 (Rose lip): 美白養顏，改善暗啞面色，滋潤及緊緻肌膚
薰衣草 (Lavender): 舒解壓力，幫助入睡，可作為衣物薰香防蟲之用(孕婦忌食)
茉莉花 (Jasmine): 舒緩腸胃不適，便秘，頭暈，減輕頭痛，月經脹痛
檸檬草 (Lemon grass): 增強抵抗力、改善貧血、幫助消化、消除疲勞
洛神花 (Hibiscus flowers): 可調理氣血、解油脂、降血壓、養顏美容
薄荷 (Peppermint): 化胃氣、幫助消化、提神鎮靜緊張情緒、止咳化痰
甜葉菊: 可作代糖、清熱潤喉、對慢性支氣管炎有幫助
各網友可用優惠價購買,
有興趣者請 email 我 hyshea@gmail.com 報價.
~十年生死兩茫茫~
十年生死兩茫茫，不思量，自難忘。千里孤墳，無處話淒涼。
縱使相逢應不識，塵滿面、鬢如霜。 夜來幽夢忽還鄉，小軒窗，正梳妝。相顧無言，惟有淚千行。
料得年年腸斷處，明月夜、短松崗。蘇軾《江城子．乙卯正月二十日夜記夢》
遠足記錄 馬鞍山至西貢
上個禮拜同同事遠足, 選定左我既日常散步路徑, 貪佢簡單風景好兼舒服. 點知擇錯日, 上到山腰風雷大作, 天降豪雨. 一行人好似拍荷里活災難片咁, 沿山洪逃難差D 比雷劈鬼死. 落山後當然被人指責揀錯線啦. 為左證明呢條係風光明媚既休閒路線, 現附上以前影落既相參考.
梅子林到茅坪
昂平
上山峰
放假睇好戲之 --- Steath (智能殺機)
中文名改到平平無奇, 上畫時片頭亦都無甚特別. 三分鐘既片頭比人既感覺係"飛機版 i. robot lor". 據記億呢套戲票房都係麻麻地, 主角又唔出名 (個時 Jamie Foxx都未出名). 加上不知所謂既電影海報, 真係唔慌有人會睇. 我呢, 都係睇Blade 第三集時認識 Jessica Biel, "順個便"睇埋佢.
點知又拍得幾好wo!! 成個故仔又唔係好似 "i.robot" 咁典型電腦危機片, 反而成個佈局好鬼緊湊. 無咩悶場, 一開場就有一段新型戰機晒冷醒一醒神, 廢話少講. 我鐘意!! 四架飛機造工好精細, 真係唔知係咪飛得起, 加上成組佈景道具都做得好出色! 由其個地面contral centre 真係一絲都無馬虎. 空戰場面用大量電腦特技,音效畫面等等等都係水準以上, 仔細如 EDI 起飛時個彈性機翼會少少向下撓呀, 引擎搶火跳跳下呀個d 都做得清清楚楚. Jessica Biel 流落北韓, 場面做得好緊張, 真係出色. 惟一彈既係墜機生死尤關邊得黎咁多對白講, 
另外特登插多段泰國外景比Jessica Biel show 下泳衣+靚衫. 雖然靚, 但係無謂. Overall 黎講, 係好睇既!!
放假睇好戲之 --- Miami Vice
今次係彈! 睇完一套片之後會特登寫篇野黎彈既原因只得一個, 就係太過差啦!!! 差到離晒譜!!!
另外一個令我嘆為觀止既地方就係, 呢套戲係我至今為止睇過既個片頭用同內容相差得最遠既一套戲! 呢套野, 日日係AXN 勁賣廣告, Colin Farrel, Jamie Foxx, 個片頭剪到鬼咁緊張咁. 下面一路有個字幕碌住 "HongKong 17 Aug" 咁. 好似好好睇. 講真, 入場前我真係有d 期待. 點知唔係路!!
一開始以經唔知想點, 交代到唔清唔楚, 太早將一大堆人物事件羅晒出黎. 
觀眾跟本理解唔到, 頭十五分鐘完全唔知咩料. 由於唔想透露劇情所以一堆情節上既唔清唔楚都唔詳述. 最令人不滿既係成套戲都充滿左好洗錢既鏡頭, 個個鏡就係飛機 shot 呀, 高空呀, 主角又渣法拉利呀, 又有飛機又有快艇. 用左咁多錢, 點解唔肯洗多少少幫鞏利化好 d 個 米庄 呢?? 成場戲鞏利就好似未訓醒咁, 印堂發黑, 容貌枯乾. 形象指導食左屎, 由頭到尾! 個頭就好似把掃把咁~~ 碎花裙! Come On~~~ 個對赤柱遊客耳環不知所謂. Colin Farrel 個兩綀鬢一D都唔討好. 呢D咁既戲~ 以後都唔再睇!!
聽好歌之 --- Frente!
Frente! --- 澳洲樂隊, 1992 年出道, 1998 年就解散. 92-98 我仲係一個咩鬼都唔識, 一日到黑淨係掛住搵 part time 搵錢既中學生. 聽完佢之後我真係後悔點解唔早D出世呢?!
Frente! 係香港寂寂無名, 事實香港人音樂既口味就係陝窄, 加上樂隊解散左. 更加無人識. 據我所知 Frente! 係1994 年同 1996 先分別出左兩隻大碟 "Marvin the album" 同 "Shape" 之外. 就無出過任何碟. "Marvin the album" 我巧合之下購得心頭好. "Shape" 就從來無見過.
至於後生既既我接獨到呢隊樂隊既歌既時候, 以經係2002年. 當時我入戲院睇台灣片 "藍色大門" (男主角呀"張士豪" 後尾好似幾出名, 反而我覺得表現幾出色既桂倫美人間蒸發, 真係唔公平) 完場既片尾曲正正就係 Frente! 既 "Accidently Kelly Street" 一聽 ~ 嘩! 清新都暈! 由此我四出搜購 frente! 既大碟. 呢個獨特既曲風往後都無係其他樂隊上感受過. 女主音 Angie Hart 聽講嫁左人, 絕響lu~~
最鐘意當然係 Accidently Kelly Street. 想聽下既唔該自行上網搵或親身問我借~
聽好歌之 --- Tsunami Bomb - The Definitive Act
好少講 Hard Rock. 其實除左 the corrs, Lene Malin 呢D 慢版之外. 嘈爆 power Rock & Roll 我都鐘意聽. 但係鐘意聽女聲既喜好一樣無變. 其實用女主音既 Rock Band 唔係太多. 尤其香港呢種音樂本身就唔普及. 好似我好鐘意既Nightwish 呢D 數一數二既係香港跟本就無人識. 今似講既係更冷門既 Tsunami Bomb.
去yahoo 中文. 搵 Tsunami Bomb, result 係0. 真係慘. 2001 年出左隻大碟, 無傳統美國Rock band 既女vocal咁 喪叫尖叫發晒癲. 反而女主音 Agent M 聲底幾沉, 唱功有板有眼, 無須靠強勁音樂掩飾. 我個人幾鐘意佢把聲, 編曲節奏好快好有power, 成隻碟既歌都用好接近既節奏組成, 令人好不期然咁受到個個旋律吸引, 一氣呵成.
最鐘意 A Lonely Chord!!!
金田蛇奇案!!! 倒後鏡失竊事件!!!
話說上兩個星期. 剛剛係公司樓下泊車, 平時公司樓下既電單車位都車頭湧湧. 唔慌有位架啦. 點知一停低, 竟然有個大窿係到無人泊, D 車寧願擺到出晒界都唔放入去. 正覺出奇. 原來, 個窿隔離有架 Susiki 復古車成塊倒後鏡比人"批"爆左, 碎片散晒一地個邊正正就係個窿個邊, 個個都唔敢放架車落去驚比人誤會係殺"鏡"兇手. 雖然缺德, 但係心中暗暗都笑個位Susuki 車主 "你都唔好彩啦~~"
點知報應就黎啦, 尋日羅車. "EE!! 無左塊倒後鏡既!!??" 架車左邊倒後鏡成塊連個柄比人"擰"左出黎!
完全唔知去左邊!! D人無人性架. 我架車咁舊. 個倒後鏡又花又殘. 都唔知偷黎做乜!
聽日買番個單車用既, 用膠紙"癡"番係原位算數!!
點雪茄 --- El Rey Del Mundo
Corona size 裡面, 除左 Fonseca 之外, 我最喜好就係El Rey Del Mundo 啦.
無 Fonseca 咁淡, 又無 Partagas 咁濃. Medium body 得岩岩好, 入口有好香既Coco, 少少云尼拿, 仲有淡淡既肉桂香. 感覺好令人醒神! 價錢都唔係Cohiba 等貴價級數. 嘆得黎又唔肉赤, 岩晒我地D 窮鬼!!!
p.s. El Rey Del Mundo 英文解 "The King of The World"! 真大口氣!! 不過佢係百多年前真係古巴數一數二貴既雪茄牌子. 會咁講, 都係有道理既!
放假睇好戲之 --- The Jacket (生死時空)
為左迎接"魔導王"第二集既大日子, 當然要睇下男女主角既舊作啦! 但係 Johnny Deep 既戲基本上我都睇晒. 所以睇靚女姬拉麗莉 (Keira Knightley)啦!
The Jacket, 生死時空. 中文名改得唔好, 套片本身就唔係咩動作火爆熗戰片. 唔緊要, Keira Knightley 靚女補償一切. 劇情片黎講, 穿俊時空改變未來呢D情節係70年代以經出現. 點樣寫得有新意係一個難題. 好似The Jacket 咁, 咁扭橋既方法穿俊未來都唔足以令觀眾覺得有新意. 反之, 零零碎碎既劇情亦都比唔到人有絲絲入扣, 一環扣一環既cinematic. 前段安哲倫保迪(Adrien Brody)比人困入精神病院既情節交代得太過慳時間. 令人開始集中時以經以為安哲倫保迪痴左 (事實安哲倫保迪成套戲個角色都迷迷懵懵咁, 成個綱琴戰曲咁款).
但係, 好欣賞導演將成套戲氣氛營做到好netgative, 人間無希望咁. 好成功既感染力. 加埋出色既剪接~~ 安哲倫保迪既金像演技. 今到佢比 Dr.Becker 拉出黎個時面容扭曲個句 "I saw you. I know what you did to your patients." 睇到人心都寒鬼埋. 比人印象好深刻.
姬拉麗莉係套戲無咩發揮, 行行企企穿住條線. 有佢無用無佢又唔得個隻. 個場床上戲夾硬左少少, 上畫時話題既姬拉麗莉全裸鏡頭亦都唔多覺. 不過咁既劇情片無個靚女睇下就真係會悶左少少. 值得提提既係佢把聲比"我愛碧咸"個時又沉左些少, 係拍戲特登定食煙食得多? 佢同 Jack 講 "I don't care. You have to come back. I didn't ask for you, but now, you just have to come back. " 配埋佢把聲真係淒涼. 全套戲我最鐘意就係D個shot呢一句. 我鐘意呢D磁性聲線既女仔. Scarlett Johansson 就係我既最愛之一啦!
p.s. 配角Dr.Lorenson(Jennifer Jason Leigh)又幾好戲哦. Dr.Becker 個造型同 Blade2 Blade3 個乞衣獵人一模一樣 >.<
搵食行遠D之 --- 桂林米粉
黎個圖先!!
以上既圖唔係係香港某某桂林米粉店影既, 呢個真係正宗既"桂林"桂林米粉!
首先要講既係...... 呢張圖係錯既!!!!!! 正式既桂林米粉唔係咁. 黎個真既再睇睇.
登登!!!
呢個就係正宗架啦,
之前個個有湯既係我白白癡癡以為係咁食自己倒上去既. 桂林人食米粉湯係分開上架, 食完米粉再飲既. 同廣東米粉好唔同, 佢粗身好多, 又彈牙得多. 味道好濃, 無上湯. 配豬油渣呀, 花生呀, 蔥呀, 有時會有菜譜呀咁. 好食!!! 香港個D唔係野!!!
食完面, 承惠 $1.5 人仔. 大陸真係好!
放假睇好戲之 --- Underworld: Evolution
又一套吸血鬼! 近兩三年荷里活都好多吸血鬼製作. 第一集上畫時叫好唔叫坐, 無咩宣傳又擺唔到好時間上, 好多人落左畫都唔知有套咁既戲. 但係出碟後反應好好, 咁講真, 第一集又係幾好睇既. 我初初入場完全係捧Kate Beckinsale 場睇靚女. 自從"珍珠港"之後我決定就算佢做咩戲我都睇!! 呀點之又出奇咁好睇, 節奏緊湊, 動作明快. 造型道具佈景都比人好有新鮮感. 最難得係劇本寫得好, 無一般荷里活動作片咁得動作無故仔. 好啦, Underworld: Evolution 跟據 "第二集理論" (第二集一定唔會好過第一集) 
期望唔好咁大, 而是實亦都一樣. 情節冗長, 無左第一集個種講故事既節奏. 個半鍾就係睇住男女主角匿黎匿去, 一係就打獲勁. 都無咩結構可言. 第一集新鮮完, 吸血鬼道具就無咩咁驚喜啦, 仲要羅黎打獵射人狼. 實在無謂. 不過! 又唔係樣樣咁差既, Kate Beckinsale 一樣咁靚 (男主角我話之佢), 化裝一流一. 服裝人設今集比上集做得好好多. 佈景道具既設計整個系列都好有水準. CG 又靚左(例牌架啦). 睇過第一集既, 續埋個故仔都應該睇落去.
放假睇好戲之 --- Superman Returns
細過睇超人, 一見超人飛天就嘩嘩聲. 後期見得超級英雄多(卡通片), 感覺仍然無以前個種咁興奮. 超人同其他超級英雄有一樣野好唔同, 就係超人太勁啦, 基本上超人係無敵!! 刀槍大炮原子彈都不能傷佢分毫, 扔佢上太空佢又識飛又唔洗吸氧氣. 咁仲有咩野戲做?? 於是偉大既編劇惟有為超人做左個弱點---黑氣石!!!
有左黑氣石, 先至可以營做到英雄片Classic 既劇情---超級英雄比大奸角打到低潮然後風迴路轉英雄回復力量打瓜大奸角!!. 不過由於超人片既先天不足, 劇情亦都只可以安排到超人同奸人首領係前大半段都係無見過面!!! 梗係啦, 如果見到, 無敵既超人係 0.001秒內就可以眼放死光射瓜奇雲史柏斯, 無論奸角用任何方法走得甩都係唔合理既!! 
因為超人飛得快過子彈, 死光可以射穿任何野, 又有透視眼. 真係俾佢玩晒, 呢份劇本都真係相當難寫......
但係, 只要你係睇過基斯杜化既超人既 fans, 劇情犯唔犯駃都以經唔重要, 開場響亮既超人音樂加上畫面大大個"S" 標誌. 個種 "番黎啦" 既震撼以經超過一切, 經典始終係經典. 永遠不滅....
超人萬歲!!!!!!
p.s. 新既Lois 靚過舊個個好多~~ ^.^
廣告 --- UnoUno 荔枝角西餐廳
UnoUno
長沙灣道750號廣大工業中心一樓
Tel: 27272525
web-site: www.unouno.com.hk
甜品自助餐: Set Dinner + $28 (星期一至六晚上7:00-10:00)
一定要試試UnoUno 既甜品自助餐, 平時供應甜品自助餐既通常都係酒店, 但係平心而論. 質素都係幾一般, 但係價錢非一般!! 呢度既甜品自助餐質素賣相比起一般酒店既一D都唔差. 而且價錢只係加$28!!!
鐘意食甜品既朋友一定要黎試下.
點雪茄 --- 打火機的二三事
一. 點雪茄用咩點, 上等人會答你"應該用專門點雪茄既火柴, 擦著後要等火柴頭既火藥完全燒完先點雪茄, 避免將火藥味/電油味 吸入煙身, 一支唔夠用兩支, 兩支唔夠用三支......" But, 今日我地講事實. 一盒daviddoff 既雪茄火柴. 細既20支, 大既40支. 一般
價格係港紙 $85 同 $160. 所以, 其實大部份人都係會用番打火機!!
二. 買一盒雪茄既話, 雪茄盒會送條木比你, 用黎點煙. 不過條木唔多長. 最多比你點得幾支. 所以... 都係要用打火機.
三. 用咩打火機既? 一般黎講, 最建議係用燒丁烷既 Jet Lighter, 火舌好穩定, 亦無油氣味. 不過... 缺點係燃料燒秏快, refill 麻煩, 火機醜樣, 點落無型......
普通火機其實都得, 不過點雪茄要火源比較長時間, 大號既點一支隨時要十秒以上. 火維持而大耐會將點火既膠制燒溶, 點一次壞一個....... 點一次又壞一個......
我呢, 就用(火水爐). 白電油火機係最唔建議用既, 因為會令雪茄沾上電油味. 但係其實小心處理, 影響唔會好大. 最要注意既係唔好用吸煙既習慣, 一邊點煙一邊吸. 香濃既電油味會沿住雪茄傳入你嘴裡面...... 穩定地點著雪茄, 將雪茄放係火舌既尖端, 慢慢轉動. 然後從雪茄輕輕吐氣, 令殘餘既氣味渾發. 認真感受一下氣味應當跟火柴點煙分別不大.
離離合合, 人所為何?
我一嬲都唔興 forward 人地d 報紙雜誌文, 咩都 quote 一餐.
但係!!!!!!! 呢個實在係太凄涼啦!!!!!! 睇完感到人生幾何........ 唏........
掙扎良久, 點都要 quote 佢一 quote.
A084 壹週刊：時事
2006-05-25
非常人語
帶子洪郎蘇偉文教授
怎麼一個人，要這麼高的曝光率？
四十一歲的蘇偉文，是中文大學工商管理學院副院長，財務系副教授。
《貨幣陷阱解碼》，《香港資產市場》的作者，又是《信報》、《明報》、《商報》、《太陽報》、《經濟日報》、《星島日報》、《快週》、《經濟導報》的專欄作家，也是香港電台《五稜鏡》和NOW財經台《財經好易明》的嘉賓主持。
他每日忙到不可開交，只為叫自己沒時間哀傷。
他太太得了癌症，由病發到離開，只短短四個月。他大受打擊，一個人帶年僅六歲的兒子，想哭又怕嚇壞稚子，唯有用工作麻醉自己。
「日間教學，做行政和研究工作，下班督促兒子做功課，夜深最難過，兒子睡覺去，四周空洞洞，那種感覺最磨人。」
不同傳媒，有不同的截稿時間，正好把他每晚填得滿滿。
沒了太太，他睡不了，吃不下。
輕了嗎？
「我的心，很重很重。」
----------------------------------
採訪第一日，蘇偉文的辦公大樓——梁球琚樓，泊了凌志、寶馬，蘇偉文是工商管理學院副院長，開的卻是只十九萬的Camry。
五月十三日，中大蒙民偉樓有個招生講座，台下的學生，隨手拿著的是五百九十九元的 Bathing Ape帽。台上的蘇偉文，全身打扮五百元有找。
他最奢侈是在辦公室喝健康工房的雞骨草、柚子茶，是油站免費贈送的。在家，他只喝白開水。
「我要預，萬一我唔?度，兒子都有足夠金錢生活下去。」
----------------------------------
蘇偉文的太太，○二年四月發現患了癌症，七月便離開人世。
「生命，原來真的很無常。農曆新年，兩口子行公園，太太忽然掩著肚嗌：好痛呀，好痛呀。」看醫生，打止痛針，又健步如飛。
蘇偉文的太太，在平機會做研究工作。
「有日上班途中，佢又攬住個肚嗌：好痛呀，好痛呀。打針後，又無事。」
他送太太到聯合醫院做檢查，找不出病因。後來抽骨髓，才發現得了癌症，送去沙田威爾斯做化療。
「才做了一次化療，病情已急轉直下。」
太太患了什麼癌？
「腺狀癌。」病發源頭？
「唔知。知來有何用？反正擴散了，不久便送去沙田療養院，那是一所善終醫院，大家都明白救不了。」
----------------------------------
他擔心兒子像他，老來才開竅，愛上了讀書。「我要為佢儲錢，等佢唔使因為錢而不能讀書。」
蘇偉文的父母是水上人，靠捕魚為生。父親後來在油麻地小輪當水手，母親當全職主婦。
「我本來叫『偉雄』，但母親嫌『雄』字牛精，想我多讀點書，叫我『偉文』。」
翻查電話簿，有成千上萬個「偉文」。
「從前嫌平凡，現在才明白平凡是福。」
----------------------------------
他小時住油塘公屋，唸的是天台小學——曉明小學，「考別人不會記得的名次」。
升中試，他胡亂揀學校，「死好命」派了去聖保羅書院。同學葉松茂（前36.com主席），是學校的領袖生。蘇偉文音樂不行，美術又差，連跟他合照都沒資格。
「中學好自卑，同學多由英文小學升上來，我唸中文小學，忽然全英文授課，科科僅僅合格。
「人?學琴，我沒有，音樂堂說什麼高音譜號、低音譜號，我通通不懂。
「同學自小習畫，我上美術堂，素描、水墨畫，一概被考起。」
他只會踢西瓜波。他油塘?的家，僅一百二十呎，住了公公、婆婆、阿姨、父母和他三
兄弟妹。「連獨立廁所都沒有，根本沒地方讀書。」會考，他跟同學到學校自修室溫習。
「原來有師兄指導。」
因此得以在原校升讀預科。那時有齣電視劇，說周潤發留學回來，唸工商管理，他首次
認識這學系。
「當時商科被界定無咁叻，最好的學生讀醫，讀工程，文又讀不到，理又讀不到的，才
掟去商學院。」
他認定這是他的出路。
中大畢業，他在渣打銀行做行政見習。
「貪佢買樓平息。」
但，他首期也儲不到，離不開油塘?。
一九九一年，他發現唸碩士，原來可以活得很漂亮。
「大學會俾份助教你，每月人工六千，學費一年才三千多，我好富裕啊。」
當年他借錢唸學士，在渣打工作兩年也還不清債項；在中大唸碩士，不用借錢，還有錢還債。
「讀書好happy，好?我。」
九三年碩士畢業，他留在學校當助教。又發現美國有資助給香港學生唸博士，又報名。
「留學，是很多人的夢想。我在中大只二等成績畢業，哈佛、耶魯當然不收我。中中間間的，像路易斯安納州大學便收了。」
獎學金包了學費，學校又安排他做助教，生活費不成問題。
「但我是大仔，要帶頭給父母家用。」
他用兩年時間，儲四年（博士唸四年）家用。
「早上在中大做助教，星期一至四晚到沙田工業學院教夜校，星期五晚又去新蒲崗教夜中學，星期六、日私人補習，一天跑三、四場。那是九二、九三年，平均月入四萬。」
九三年九月，他赴美唸博士，認識了他太太。「大學制度是，第一年留學要唸一學期英文。」
----------------------------------
婚紗店大火
他太太是台灣人，在那裡唸老人護理。
「太太大我少少，想組織家庭，九五年我三十歲，隨意揀了七月一日結婚。」
他的結婚戒指，只三十美元。
「像樣的，要百多美元，我負擔不起。」
他承諾：「第二時再買過」。
他的結婚相，影了又燒了。
「婚紗鋪火燭，照片都燒掉。」
他承諾：「第二時再影過」。
「欠佢??，原來一世補唔番。」
○二年七月一日，他結婚七周年，太太已不在狀態，瘦骨如柴，行動不便，大小二便要人照顧，身上發出陣陣異味。
七月八日，兒子三歲生日。
「我?蛋糕去，一齊和兒子唱生日歌，才唱完，她又說未唱，思路明顯不清晰。」七月二十六日，她撒手塵寰。
「有好多遺憾。同佢結婚咁耐，無好日子俾佢過。
「九七年博士畢業，我在中大有聘書，她跟我來香港，但正值金融風暴，學校削減房屋津貼，我們每年搬屋，並且愈搬愈細。」
他們由錦繡花園，搬到馬鞍山雅典居，再搬到藍田。
「○二年二月，終於儲夠錢在匯景花園買安樂窩，她卻只能在裝修期間，向醫院請半日假，坐輪椅看過單位一次，便走了。」
太太喜歡孩子，想要一子一女，蘇偉文反對，猜包剪鎚，太太贏了，才讓她在九九年生一個孩子。
「夜闌人靜就會自責：點解唔達成佢?夢想？」太太彌留，孩子還沒懂性。
「我叫他看媽媽，他以為成日有得見，看一眼，又跑開。懂性的離開我了，留下來的，是個不懂事的，感覺最淒涼。」
太太走了，兒子嚷著找媽媽。「他至今也喜歡扮BB，叫媽媽，每叫一次，我心就痛一次。」
父親節、母親節、情人節……蘇偉文足不出戶。
「見到別人一雙一對，心便酸溜溜。
----------------------------------
「男人唔識照顧自己，更加不會帶小孩。」
他帶兒子到台灣宜蘭探公公婆婆，兒子過海關時嚷著上廁所，他叫兒子忍。
「太太會預備膠袋，我以為孩子六歲已懂事，叫他：唔好嘈，忍一陣。結果等了十多分鐘還沒過關，兒子忍不了。
「事後很內疚：為什麼我不用細路角度看問題？他急，何不先上廁所，之後再排過隊？」
兒子的衫褲，永遠買大了。
「從前，太太帶他去Chickee Duck、Hippo Fant買童裝。我沒時間，求其去街市，一次過買下同款不同色的，有得替換便算。」
結果，短褲變長褲。
「內衣褲卻長袖變短袖，工人看不過眼，告訴我才醒覺，幾年沒幫他添置內衣褲！」
公務繁忙，兒子又病，他硬著頭皮送兒子上學，學校發現小孩發高燒，要家長接回，蘇偉文才不得已向學生請假。
「唯有告訴學生，要帶兒子看醫生，欠他們的堂課，下次補回。」學生知你的經歷？
「我不知道，男人不說這些。」
----------------------------------
兒子長得像太太，他最愛凝望兒子。兒子吃早餐，他望著他。兒子做功課，他也望著他。
很享受被他痴纏，怕他長大後，自己更孤單。」
何不找個伴？
「我記得太太彌留時，也在等我說：你放心走吧，將來緣分到，我會組織家庭。
「我唔忍心，說不出口，她彌留了兩天，見她等得太苦便說了，她上天堂去。但現實不容易，我的家，放滿太太的照片，也不打算搬屋，別人怎受得了。」
試過嗎？
「發生過。開頭同人有接觸，家訪以後便疏遠。」
沒了太太，他不吃早餐，不吃午飯，晚餐是陪兒子，才吃下一點點，體重由一百六十磅，跌到現在一百三十磅。微小（五呎四吋）的身影，更顯微小。
----------------------------------
傷心何處放
夜晚，他睡不了。兒子九時上床，他又上床，但睡三小時又自動醒來。
「從前，孩子睡了覺，太太攬?我看粵語長片。現在？得我一個。」
大學什麼都有得學，但怎樣面對心，博士也沒研究。
「試過在家嗌太太的名字，問她：為何丟下我？為何不報夢給我？」
為免胡思亂想，他寫稿。
「學校在《信報》企業管理版，包了《商管啟示》一欄，我之前沒寫過。太太走了，才開始寫。」
並且愈寫愈多，星期一《經濟一週》截稿。星期二是《太陽報》「財經談情」，星期三《快週》「學以致富」，星期四《星島》「理財教室」，星期五《商報》「名家指點」，星期六去NOW財經台錄《財經好易明》，星期日晚寫《明報》、《經濟日報》或《經濟導報》的約稿。
「晚晚排得滿滿，便沒時間空虛。」
休息不足，倒下來，誰照顧兒子？「不是這樣，我怕我更快倒下來。」
兒子愛玩Lego，他只給他買國產版——啟蒙。「價錢平三分二。」
當年你唸書也有獎學金，為何這樣慳？
「黃金歲月過了，現在大學生不是天之驕子，唸博士也不一定有資助。」
歲月，是過去的好。將來？
「我預了自己孤獨終老。
「幾多人老來喪伴，獨個兒度過晚年。
「我有著懷念，夠啦！」
他說他老了，會再去唸書。
唸什麼？
「歷史。」
現實太殘酷，溫故就最好。
點雪茄之 --- 迷人Fonseca
今日去大圍買貓量, 平時順個便都會去隔離睇下有無岩心水酒既. 點知去到知發現自己無帶錢. 於是行過銀行羅錢啦, 就係行遠左少少就比我發現有間細細間新開既wine store 係大圍火車站對面!! 我D八掛人梗係第一時間入去睇下有咩好野啦. 舖頭細細貨都入得幾雜. 幾個知名酒廠既紅白酒之外, 冷門少少既 Rose,Port,Dessert wine 之類既都有入貨. 連D一支支既corktail cider 都有幾箱放係門口賣! 不過餐酒都尚係其次, 雪茄先有驚喜!!!
講真, 呢間舖唔算多款賣, 不過有得賣既野都幾Funny. 第一眼就見到盒我平時都會買既 Partagas Mini! 貪口痕系列裡面我都幾鐘意呢隻味道適中唔會太重身, 行行企企時食兩啖唔錯. 呢個唔係熱門貨但係算容易買到, 心裡面以經係度諗"舖細細唔會咁多好野掛? 望上D上面仲有盒 Punch 既Mini!! 鐵盒!!未見過!! 係咪我太大鄉里呢? 算數! 再睇下... Por Larranaga!! 仲係橙色包裝最有型個隻Lolas en Cedro!! 呢支野我淨係見過圖, 都未見邊到有得賣過... R & J No.2 鋁筒啦, Cohiba D 貴野啦. 例牌Motecristo 中號啦...... 最尾係... 最尾係....... Fonseca!!!!!! 好野!!! 竟然有 Fonseca!!!"
Fonseca 係我最鐘意既幾隻雪茄之一, medium to full body, 個仲柔順清新既香氣, 口味又有古巴個仲香濃又有多明尼加個仲豐甜... 由此至終Fonseca 都屬於限量生產, 供應短缺. 香港真係好少地方有得賣. 價錢一般唔係極昂貴但係亦都唔平. 今次係到見到支12-13 口徑既... 驚人價$50!!!
問老闆, 老闆話佢所有雪茄都係跟標準零售價賣wo... 所以點解佢D熱門iten 貴過出面冷門野又平出面咁多啦! (皆因出面無良商人愈少見既就愈mark 得貴啦) 入貨先!
飲寶礦力醫頭痛!!!
一朝早起身, 頭痛到癡線. 番到公司咩都做唔到, 食藥又唔得, 坐又唔得訓又唔得. 終於向朋友求救. 朋友叫我飲寶礦力wo. 原來寶礦力都有得醫頭痛?
即刻落街買罐試下, 一啖飲晒佢坐多半個鐘. 真係好番好多wo!!!!!!
上網查下點解先~~~
**節錄自"KingNet國家網路醫院"
我老公公司在幫醫院做電腦規劃工作，之前就有 幾個跟他熟絡的醫師....西醫喔，
而且是主治醫師級的喔。他們告訴我老公說，他們自己生病時都不吃西藥，
都是看中醫吃中藥喔，因為西藥太毒了，什麼普拿疼之類的根本都不敢吃。
也跟我老公說如果頭疼時，不要吃頭痛藥，去買運動飲料（不冰的）來兌溫熱開水喝，大概1比1 或1比2 的比例，喝個一兩大杯，比吃藥還有效又不傷身。
因為頭痛多半是因電解質不平衡所引起的，但是如果單喝運動飲料又太濃，
而冰水跟冷水也對身體不好，所以加溫水稀釋。又不傷身。
而且我們試過之後，也覺得真的比吃普拿疼還有效。即使感冒引起的頭痛，也很有效。
搵食行遠D之 --- 布袋澳
今次真係行左好遠, 係大清再入少少既地方, 遠遠既山路去到盡頭, 近海邊有個大螢光招牌寫住海鮮酒家. 心諗遠成咁都唔慌多人黎啦. 點知出面泊滿車, 裡面企滿人! 咁遠都黎應該野都唔會差掛?
即刻試下先!
白灼中蝦, 油鹽水雞腳, 墨魚沙絲me, 椒鹽蒜蓉漱尿蝦, 花雕蛋白蒸蟹, 清蒸石班, 瑤柱蛋白炒飯, 豆付海鮮湯, 粉絲蒜蓉蒸扇貝, 酥炸墨魚絲, 椒絲付雨通菜.
漱尿蝦十寸長斬件炒, 炒到連殼都食得, 極之入味. 不過全場最欣賞條石班, 火候真係岩岩好!! 蒸得唔生但係肉好滑! 一D都唔實!!! 另外扇貝都非常之好, 大隻又入味!!
一圍檯十一個人埋單$2500, 價錢都可以接受. 下次再去過!!
聽好歌之 --- Lene Marlin - Playing my game
娜威女唱作歌手, {Playing My Game} 係佢較早期既一隻碟. Lene Marlin 既歌非常慢熱, 第一個印象唔會比人有眼前一亮既感覺. 但係聽過一次兩次之後, 總會令你不知不覺咁又去禁repeat, 再repeat. 相比起 Jewel, 我本人覺得 Lene Marlin 既歌o禁聽得多. {Playing My Game} 係我最鐘意既一隻碟. 後期既 {Lost In A Moment}, {A Place Nearby} 較為無個種清淡又有感染力既旋律.
咁多隻歌最鐘意 Unforgivable sinner, The way we are.
魚樂無窮之 --- 硝化細菌
Forward 人地既~~ 值得參考.
魚、植物和食物在魚缸內互相連系成氮循環. 魚吸取食物後產生能量, 魚在吸取水中氧而消耗能量.
在能量消耗過程中, 魚會在缸內放出廢物. 廢物基本上包了二氧化碳 (carbon dioxide)、氮化合物(nitrogenous compounds) 如阿摩尼亞 (ammonia). 為了保持水質環境, 就要除去此等廢物. 二氧化碳會在水面揮發和與水中植物 進行光合作用. 至於有 害性的氮組合, 它們會在氮循環中被淡化成較輕的有害化合物. 細菌微生物的滋長 轉化有害的氮化合物及阿摩尼亞為無害的物質.
整個過程由水中的排泄物轉化為分阿摩尼亞開始. 細菌是硝化菌, 包括兩種微生物, 將潛在有害的氮化合物(如阿摩尼亞)經生物化學作用轉化為亞硝酸鹽及硝酸鹽.
鹼性的環境(pH 7.2 - 8.5)有利細菌, 但保持穩定的pH水平亦十分重要.
硝化菌在溫度 20-3C 度 中尤其活躍, 其新陳代謝在水溫低於10C時會減慢, 但水溫亮於35C時就會受損.
硝化菌需要氧進行變化. 硝酸鹽, 是在完成生物化學的氧化作用後的產品, 被植物利用為肥料, 然後在水中消失.
水族箱是一個被人工化地氧化的生態系統, 有極高的生物量. 通常植物是無法用盡所有硝酸鹽. 硝酸鹽因已累積, 引至要人工誰持水的質數減低硝酸鹽至可接受水平.
硝化的細菌可不停生長, 或堆積在停止階段. 硝化細菌會因應其食物多少而變化. 加入藥物也會殺死細菌, 如抗生素, 也影響細菌總數.
從西街出發
搵番D 舊相, 有一批係幾年前係陽朔影既. 最記得當時兩個人計劃遊桂林, 點知出發當日比人放Aeroplane. 不玩樂毋寧死既我當然選擇自己去. 陽朔 -- 桂林既其中一個省, 係桂林市既南面. 由桂林市到陽朔車程只不過係一個鐘頭. 但係兩個地方既分別就大到驚人. 上車前仲係地地道道既中國城市, 通街中國人, 計劃生育標語四圍都係. 落車之後, 全條街都係鬼佬, 度假屋, 旅館, 飯店. 每個招牌都中英對照. 個個持應最少都識中文英文法文. 西餐多個中菜, 但係個裝修又係傳統中菜廳. Fusion 得好犀利! 整個地方就係一個大型渡假村! 傳聞陽朔係因為風景靚, 
吸引左一D 享受悠閒生活既外國人搬黎住, 後黎愈住愈多. 佢地就係呢個地方開舖頭, 賣自已既家鄉食物, 租埋地方比遊客住. 慢慢變到好似而家咁~~~~~~ 咁既生活, 正正就係我長年以來奮鬥既目標!!!!!! 從西街, 向我偉大既退休計劃出發!!!
P.S. 陽朔
陽朔西街
飲餐勁葡萄酒記之四---Hardy's Shiraz Cabernet Sauvignon 2004
飯局飲酒, 今次係Hardy's 既Cabernet Sauvignon 加 Shiraz.南澳酒, 百佳買. 入口少少甜.
好香既黑果香氣, 酒身重, 勁度十足. 好有CS 既特色, Shiraz 就唔多覺. 普通食飯酒係唔錯既選擇.
無問到朋友買幾多錢. 價錢ok既話, 都可以買番多少番屋企. 
飲平酒, 最大既好處係唔洗咁認真(皆因唔怕浪費也)大排檔也好, 食海鮮也好. 但求有杯落肚, 質素既野. 大可張就張就. 飲酒, 始終都係三五知己一齊先好飲既!
P.S. 同場加映: 鮮三文魚闊條麵配忌廉汁
聽好歌專欄主力推介 --- The Corrs
如果見到我聽住部ipod搭車食飯坐船, 有十份之七既機會我係聽緊The Corrs 既其中一隻碟. 瘋癲既程度係我曾經因為鐘意Andrea Corr 而好認真咁苦練過半年Bodhran(愛爾蘭既傳統直笛). The Corrs 既流行曲組合裡面經常可以搵到傳統愛爾蘭既音樂既旋律. 係英國美國加拿大等地, The Corrs 可以話係紅到無人唔識. 梵蒂岡都請佢地唱演唱會, 同巴戈洛提同台演唱, 英女皇生日又請佢地表演. 重有既, 英聯邽運動會唔知開幕定閉幕主要嘉賓呀, 滾石雜誌表演呀. 單單都係大野. 係唔知點解香港就係無咩人識. 香港人始終都係鐘意D簡單易上口K歌. 外國音樂製作對佢地黎講無咩價值. (' - ')
咁多隻大碟我最鐘意 The Best of Corrs, 名孚其實. 我最鐘意既都係晒裡面. 尤其
Would You Be Happier. 遲D買到新Album "Borrowed Heaven" 再評評.
訂閱：
文章 (Atom)