久別重逢

http://snake-planet.blogspot.com/2007/03/blog-post.html

足足一個月無開過電腦, 新既工作忙到完全咩都做唔到, 無論電視電腦游戲機. 一律係呢個月都係無店過. 惟有就係點抽時間去睇左兩場戲. 睇黎黎緊 time management 要再好d先得.

<二三事> 安尼寶貝

http://snake-planet.blogspot.com/2007/02/blog-post_11.html

行過好奇買既, 無揀錯~ 初初唔係太適應呢種特別既寫作手法, 點知睇落發現好似無咩組織既結購其實同平時人諗野好相似. 睇落好舒服, 故事亦好. 欣賞最尾 "日光之下,並無新事. 我的人生, 倏忽過完了大半, 不過是二三事, 如同世間流轉起伏的情緣意志, 並無甚麼不同." 往往就係睇唔睇得開, 決定左人既大半生.

給許瑋倫姐姐

http://snake-planet.blogspot.com/2007/02/blog-post_06.html

安息吧~ 上天係特准一些美麗溫柔又善良的人可以提早收工的.
所以我等作惡多端既應該仲有排捱.
你的離開對我們是壞消息, 對你來說可是好事呢.
嗚嗚嗚~~~

我. 要. 做. 主. 角.

http://snake-planet.blogspot.com/2007/02/blog-post.html

我要做主角!

人生就如電影, 有人四歲以經係影后. 亦有人一世浮浮沉沉. 隨左幸運之外,能夠控制既相信只有對成名既執著與付出. 令你努力向自己既目標前進.

我係一個執著既人.

從來, 我都係一個不安現狀既人, 有屋企唔住要搬出去, 有舒服工唔做走去捱世界. 正如今次, 有大路唔行我偏去揀條難爬既, 仲係好難爬.

所有野都係一個原因, 我要做主角.

亦都唔係話咁易, 正如今日話比你做主角, 有無料做固然係問題, 事實係, 你有無咁既膽色去試以經難到好多人. 唔少人權衡輕重, 比較利害之後發現擔大旗壓力沉重, 工作繁忙, 要求嚴格而決定繼續做番茄厘啡算數.

呢 d 人, 註定一世都係茄厘啡.

逃避係一個習慣, 只要逃避過一次. 以後都會逃避落去, 茄厘啡就係咁樣形成.

無錯, 做茄厘啡係好容易, 要求隨便. 求其交行貨, 無人會話你. 行行企企又搞店. 因為你係茄厘啡, 無人會對你有期望.

但係有d 傻人唔接受自己係茄厘啡, 要出名, 要做 key person. 為乜? 其實無乜. 只係有人生出黎就係唔甘心平凡一世, 要做大人物.

就係呢種執著, 我諗唔到有咩原因要我選擇去做茄厘啡. 選擇過一次, 以後都唔會有力量再向上爬.

要做, 就要做主角.死人都係咁話~

盛夏光年

http://snake-planet.blogspot.com/2007/01/blog-post_30.html

唔店! 唔知係我呢排睇戲投入左呢, 還是我愛上左楊淇. 呢兩三日無論食飯訓覺, 只要我係諗緊同電影有關既野. 腦裡面都係浮現出惠嘉坐係床邊, 淚水汪汪個一幕. 的確 "人長大了, 什麼事情都變了...". 唉....

為左抽離下, 今晚去睇 "落葉歸根". 咸足一場戲, 咸到眼都檬晒番黎. 訓上床, 出奇地都係諗住 "盛夏光年"... 點解呢??? 睇黎為左搵出呢個問題. 我要再入場睇多次......

小小的個人記事 29-1-07

http://snake-planet.blogspot.com/2007/01/29-1-07.html

定期記錄一下的個人記事 29-1-07

電影:

看了 Fur (夢幻皮草)
看了 envy (同你玩妒忌)
無咩感想不作詳述.
看了 203040 , 主要想睇楊淇(我覺得楊淇戲份甚至比李心潔重). 劉若英的那一段也做得很亮眼很突出很貼心.

購書:

買了ststephen King "Bag of Bones" 有時間才看, 還有 "Cell" 高度注意.
買了山田風太郎 "甲賀忍法帖" 上下集. 還差下集沒有看完.
買了蕭鼎 "誅仙" 第一冊, 即管看看 "新新派武俠小說" 如何 "新新" 法.
買了兵兵 "德齡與慈禧" 很感興趣.
買了"Lost" 小說版, 電視錯過了看書補數.
買了安妮寶貝 "二三事", 很感興趣, 聽聞寫作風格很獨特, 最近也很有名, 要看看.
買了蔡智恆 "孔雀森林" 看了, 桮子蔡一向也喜歡.

酒:

買了大量Vin de Pays 餐酒日常飲用, 太重要研究一下送貨服務.
買了南非 Bon Conrage. 至愛
買了新西蘭的 IceWine, 半支裝. 新嘗試.
好想買一點 port. 下回再找找看.

煙:

買了太量 Havest 各種味道 Handrolling Tobacco.
買了兩支Foseca.
過兩天去買多一支 Cohiba corona, 慶祝. (希望)
買多兩支多明尼加怪野試試.

人:

終於去做下腳底按摩, 痛楚同疲勞都大有舒緩.
仍然唔夠訓, 因為天氣冷, 熱飲喝多了酒喝少了, 看來要喝回多一點酒.

愈來愈像等死的樣子.

放假睇好戲 --- 盛夏光年

http://snake-planet.blogspot.com/2007/01/blog-post_2702.html

台灣社會一向對同性戀態度比較開放, 所以此類題材既電影都比較多. "盛夏光年"睇時覺得好像早兩年既"藍色大門"("藍色大門"比我有好深印像, 亦係最愛電影之一). 故事背景亦差唔多. 盛夏光年拍得直接, 藍色大門則含畜. 相同既係兩套都拍得極之漂亮. 一向我都極傾心於呢種咁精美既構圖. 好好睇.

(含): 惟一覺得正行同個陌生男人上床個幕有d多餘, 理解唔到想表達d咩. 楊淇話就話唔靚, 但係睇佢睇得好順眼, 戲亦演得好, 反而感覺好自然, 真實.

p.s. snapshot 有好多個場景係戲到睇唔到, 正行載惠嘉騎綿羊遊台北, 相映得好靚. 電影睇唔到有d可惜.

唉~~~ 我好愛台灣~~~

撞車了!

http://snake-planet.blogspot.com/2007/01/blog-post_27.html

一月二十四日, 三日前, 寫呢段既時侯已經帶左拐杖出街三日......
渣左兩年, 終於都撞車了. 事實上, 係電單車人口裡面, 我係屬於比較幸運既一群. 由學車到渣左咁耐. 唔單只大小意外無發生過, 甚至跌車刮花店到任何野都無試過. 相比起大量一出車即炒, "電單車友有邊個無炒過?" 等等既語句, 係我黎講可以話係例外. 可惜日日係低條路到行, 真係無可能日日都咁好彩, 前兩日就衰左啦.
事實呢, 真係小事到無倫. 只係避開架的士扭太自己訓低左o者. 的士無事車無事就係我個人有事, 膝蓋擦傷(輕微) 手擦傷(輕微). 最煩係右腳腳背於左一大塊. 行親路就痛. 所以要柺杖渡日.
過埋呢兩日應該都可以無咩事.

放假睇好戲 --- You,Me, and Dupree (家多一支公)

http://snake-planet.blogspot.com/2007/01/youme-and-dupree.html

DVD 黎既, 我懷疑呢套戲無係戲院上過 (完全無印象). 自從 Kate Hudson 減完肥後就開始睇番佢d戲. 搞笑搞笑, 比戲平時笑唔出既美式幽默, 呢個有趣得多, Owen Wilson 無厘頭得有幾分似周星 馬也 但係又恰到好處, 不致太低俗. Micheal Douglas 做野蠻老豆無難度, 演得得心應手. 露營用品紙箱藏咸帶好中! 笑死人~~~

放假睇好戲 --- RENT (吉屋出租)

http://snake-planet.blogspot.com/2007/01/rent.html

無得頂! 05年最出色電影~
一向最愛 Musical, 編曲配樂台詞舞步場景每分鐘都係慪心瀝血每分鐘都係咁有節奏感. 舞台劇版本無機會睇到, 電影版後悔咁遲先睇. 好感動.

身體健康! 身體健康!

http://snake-planet.blogspot.com/2007/01/blog-post.html

係戲院睇緊 Babel, 姬蒂白蘭芝比人縫針, 嚇一嚇之下覺得眼有d 花. 手手腳腳開始凍. 自己知自己事啦, 心諗"又黎?" 自動自覺伸手入袋搵 --- 糖. 竟然發現因為太耐無發作, 近排已經無帶糖出街! 死啦, 已經好暈, 眼都花晒. 好彩今日戲院無位, 張飛買到好後排. 立即打算巡係未失去知覺之前死出去求救, 點知腳軟起唔到身. 心入面諗住好多野, 一方面諗住由得自己坐係到到完場一定死梗, 一方面又諗住第日報紙頭條 "電影場面太震撼, 青年捽死" 係幾咁於到爆. 頭暈眼花之下終於堅持到戲院 lobby 正中間訓低左, 臨死前仲識得同個戲院哥哥口嗡嗡 "可樂... 我要可樂..." 卒之戲院哥哥搵左都唔知一罐定一杯可樂番黎迷迷糊糊咁飲左. 執番條命仔番去睇埋後面半場, 咁又睇少左十幾分鐘~ >.<
p.s. 難為晒呀戲院哥哥嚇到鼻哥窿都無肉, 如果唔係臨昏迷前仲講得出 "可樂" 的話. 肯定又比人call 白車送走. 戲都唔洗睇.

放假睇好戲 --- 巴別塔 (Babel)

http://snake-planet.blogspot.com/2007/01/babel.html

悲劇大雜會

好沉重, 對比起之前 [生命中不能承受的輕], [21 gram], 這個令人更加覺得沉重. 一套戲, 貪心地想將全人類既悲劇表露晒出黎. 夫妻感情, 天災橫禍, 文明分野, 人性醜惡, 父女代溝. 每一幕都令人搖頭, 摩洛哥家庭既故事拍得最 touching, 亦係最睇得心嗡. 結果係如斯之淒慘. 姬蒂白蘭芝 比人縫針, 我暈左(真係暈左, 呢排太累了), 全片衝擊太大. 我地D咁投入既人唔岩睇, 直至而家墨西哥女人既黑仔遭遇仍然歷歷在目. 我諗今晚訓唔著了.