四川，小吃無數。到處街頭都見到賣各種小食既檔口，難得肚腩仲有d配額。一於食均佢！
三大炮
其實就係雷沙湯圓咁上下既糯米。食就無咩好食，買既入主要係欣賞有如開壇作法咁誇張既製作過程。面團係師傅手上扔上扔落，最後扔落鼓皮面反彈又反彈，發出驚人聲響。所以叫三大炮。
雞絲涼面
凍食，幾香口。不過辣到跳舞。
元寶小雲吞
咪又係豬肉雲吞，不過細細隻好得意。
麻辣土豆
即係薯仔，成都周圍都有既小食，好味道。薯仔又係勁細粒，都唔知咩品種。
麻辣涼粉
一般四川菜館都有得食，又係辣到死。
驢打滾
明明係北京野，唔知點解成都都有。不過傳到黎味道唔同晒，酸酸粘粘的超難食。
麻辣免頭，五香免頭
成都流行食免仔，可能同山多免仔多有關。特別鐘意食免頭，而且仲好平。
係四川以經接近一個月，唔見銀包既後遺症仍然令我邊度都去唔到。今日終於將香港新領既信用咭羅番番黎。可以完成埋餘下既海螺溝，九寨溝行程。另一方面，西藏之行唔知等到何年何日，怕且都係要係四川留好長時間。
黎成都，點都要食下有名既川菜同麻棘火鍋。
成都既火鍋，當地一般叫火鍋或紅油火鍋。大陸仲有好多種其他鍋，常見既麻棘燙又同麻棘火鍋係兩回事。
同個當地人黎食，鍋底上桌，顏色的確係赫人。一般黎講，紅油鍋底係免費既，皆因大多係回收油。無錯，就係聞名天下，諗起都想嘔既循環再用鍋底，包括圖片呢一鍋。如個需要加一個清湯底，反而個清湯係要加錢既，真奇怪。
更令香港人覺得恐佈既，就係呢個叫做"油碟"既東西。"油碟"其實就係平時既醬料。不過成都人係用一整碗既菜油黎做醬料！將蒜粒，香菜，蠔油等等放人呢碗油裡面做成醬料。不過實話實說，只要忘記健康既問題，呢種火鍋搭配呢種"油碟"真係特別好味！
臨走前，當地人教授左分辨再用鍋底與非再用鍋底既大法。原來一d有規模既火鍋店以經採用非回收既鍋底，用完即棄。當火鍋食完之後，如果鍋底變成橙紅色，代表係曾經過無數次再用既回收油，如果鍋底係深紅色，就代表係新油。
好野，食完先知，真係唔知好過知…
到達成都之後，首先坐車去預定好既旅館落腳。今次呢間旅館又幾好喎。全幢工廠改建，入面地方大，環境舒服，價格便宜。
舟車勞頓，首先休息番一日。第二日有住客同我地講成都三月係桃花節，係龍泉桃花溝有慶祝集會，於是準備去參觀一下。
由成都市中心轉左兩程公交車，到達龍泉車站後，再要坐車去桃花溝。總車程大約兩個小時，相比起車費三蚊黎講，都算係幾抵搭。
黎到桃花溝，多少有d失望。慶祝集會，其實就係麻將集會。一向聽聞成都流行棋牌麻將等消閒活動，到處都係茶室。但係無諗過連節日慶祝都係咁。
桃花旁滿係一檯檯既雀局。還好的確係桃花處處，影番幾張桃花相，行行市集，總算有個交代。
