以經唔想多講…
今次真係唔想試…
水蜻蜓！
责任感爆棚的完美主义者的活法
10 年前
[旅遊系列]大理 --- 點蒼山
尋日提過，上點蒼山，感通索道六十五大元。連埋入場費等等成百幾蚊。加上夜晚聽人講跟遊客路線上山無咩好玩。睇睇點蒼山連綿十九峰十八溪，無理由搵唔到個位上山。於是今朝就四圍打聽有無"非一般路線"。
一問之下，竟然比我識左幾個青島黎既朋友，佢地係山腰位置開發緊旅遊項目。正正係最新最自然既上山路線！當然立即跟住上山！
先講講蒼山，蒼山南北共十九峰，十九座山峰海拔都係3500米以上。最高既馬龍峰，海拔係4122米。每兩座山峰中間都有一條溪，一共十八條流入洱海。我地要去既就係十九峰中間既中和峰。
坐朋友既車先到蒼山山腳。落車後步行五分鐘，先黎到山腳既普洱茶園。
普洱茶樹
係呢度認識左係山上面住既冬妮姑娘，佢先帶我地去睇一個係山腰上面既渡假屋。地方叫尋夢園，仲係到建設緊。到步一睇之下幾乎唔相信自已對眼。
渡假屋裝修漂亮，設備極齊全。
驚人既180度全景。每一個房都有。
環境極優美
好難相信係山腰上面會有設備咁齊全，環境建設咁好既地方。小姑娘話仲會有其他類形既渡假屋起緊，而價格極之相宜！如果我有多幾個朋友的話，一定係到住番個禮拜。
參觀完後，開始我地既非一般路線。
一上山，係我地前面既一直都係呢個 --- 馬龍峰。山上既小姑娘話，係蒼山十九峰裡面。只有呢個最高既峰係終先積雪既。如果我地沿住呢條路行四日四夜的話。就可以爬上峰頂。當然，呢d咁偉大既事業係會留番比人做啦。
青海朋友與山上姑娘
其中一條支路通去兩峰之間既溪，仲有一個瀑布，路非常危險，踩錯的話就會跌落下面山谷。
途中比有棘既植物勾到，身負重傷。
瀑布
回頭再上山，一直可以睇到呢條係中間既溪。仲有梅花樹。
落山後繼續同朋友係山谷上影相
姑娘更邀請我地去佢工作既茶園試普洱茶
[旅遊系列]大理 --- 到步
從西雙版納汽車南站坐汽車到大理，
車程16小時。晚上7:00出發，明日早上11:00到達大理。從大理市(下關)到大理古城仲要坐車，無直接公交車到達。先坐一架唔知咩公交車到火車站附近再轉坐8路車到古城東門再步行1.5公里找到我要住既旅館。
咁轉折，果然地方亦靚。旅館對正點蒼山山腳，一抬頭就係中和峰，空氣好視野清浙。又寧靜。非常合適度假。
由於呢度比較近蒼山，所以打算先係呢度住幾日，遊完蒼山洱海後再去大理古城住多幾日。
早餐時問一下上蒼山既資料，原來門票都幾貴，上山既索道就以經要$65！仲有'入山費'$30。天龍八部城門票$60。真係有d貴。
小橋流水
大廳舒服
[旅遊系列]西雙版納 --- P.S.
經網友提醒，忘記記錄西雙版納既消費，如下：
交通：由昆明到景洪市，臥鋪中巴，$166。出租車市內全部$5，摩托車、三輪車等由$2至$4不等。由景洪到侖汽車$15，來回共$30。包車到野象谷，與朋友合資，來回共$70。
住：家庭旅館，雙人房一晚$，四晚共$200。
門票：野象谷$50，熱帶植物園$60，森林公園$60。個別景點有收費索道，旅遊車，登山車等等。不過我全部無坐，唔知幾多錢。
食：燒烤非常平，每串由$1到$7不等，無數餐合共$100。竹筒飯$2。菠蘿飯$12
[旅遊系列]旅遊雜感
以經係第一百個人問我呢個問題：去d咁既地方，仲要咁辛苦，有咩好玩？
香港人係一個好固步自封既群體，唔容易接受新事物。大城市，金融中心，幾十年黎既富裕令我地接受唔到生活簡樸。香港人既旅遊熱點，從來係東京，首爾，大城市。就算星馬太，中國大陸，只住大酒店，包車接送，皇帝享受，當地既風景，非當地既生活。呢種旅遊甚至有個專門名詞，叫做 '港式旅遊' 。可想而知本港文化何其蜚聲海外。中國大陸對佢地黎講，只係代表污糟，農村，窮，非購物天堂，生活質素低。
其實唔係佢地差，係我地太好，過份好。
香港既生活質素一向係國際上數一數二。生活雖好，但係香港人既唔開心程度亦都比無數地方高。唔開心既主要原因，係唔知足。
得一，自然想二。而家社會，一出世屋企以經兩房一廳，有冷氣有雪櫃。著Nike波鞋番學。十歲聽住 MP3 去街。日日食快餐店，慣左有人服侍。唔開心因為唔夠錢買新相機，今年無得去旅行，男/女朋友無陪食飯睇戲，人工加得少,，樓價太貴。所有負面情緒都係發自… 想要更多。從一開始標準就比正常高，要求亦都直總向上。去到其他地方，總覺得事事唔對頭。餐廳有蚊，車坐得唔舒服，地方污糟，服務態度唔欣勤，個個做野慢手慢腳。一切都同香港相差咁多。
如果咩都一樣既話，咁仲有咩原因要黎？
身在外地，眼光盡量放開d。接受下其他地方既風土民情。多d了解香港以外既生活，食當地人食既野，住當地人住既地方，坐當地人坐既車。當見到佢地既生活都幾開心既時候，你會覺得自己耿耿於懷既事其實好鬼無聊。
P.S. 打緊字既時候，外面正遇到一個星期以黎首次見到既香港人，一對夫婦。女既正向男方投訴周圍既
野都唔岩食，地方又 'up dup' 。零願番酒店食杯面云云… 真可怕。
[旅遊系列]搵食行遠D --- 西雙版納吃吃吃 -- 驚人傣族菜
水果王國西雙版納，好多傳統既傣族菜色都用水果做。而且好多特別既菜色都好難係其他地方食到。雖然胃既容量有限，不過都叫左好多黎試。
苦荀伴"南秘"汁
傣族人愛吃既燒苦荀，呢種荀只有西雙版納先有出產。味苦，點既"南秘"汁係用魚，蝦，紅柿等等做成。
香矛草烤羅非魚 加 燒包餡豆干
呢兩個我最鐘意食，兩做都用好香既調味。豆干入面包滿用蔥，棘椒，香茅同一大堆不知名野做成既餡。好好味！
菠蘿飯
傣族其中一樣最出名既菜色，西雙版納出產既新鮮菠蘿本來就特別甜。將菠羅肉挖空後用番挖出黎既果肉架糯米焗成飯。絕非港式泰式求其釀d炒飯入去菠蘿殼入面就上碟。每一啖都充滿果香。極正！
烤蛆蟲
終於有機會一睹名滿天下，赫死人既傣族名菜---烤蛆蟲。還好，呢個唔係資料所指，最傳統，係舊爛肉上面爬下爬下既"新鮮"蛆蟲。一碟有咁多，真係要搵多幾個人黎"分享"下。
燒土豆燒雞心燒豬牛串燒雞脾等等
[旅遊系列]西雙版納 --- 熱帶植物園
熱帶植物園，又叫珠羅紀公園，又叫葫蘆島。係西雙版納一個好出名既景點。不過，講既人多，去既人少。皆因要去好鬼辛苦。
珠羅紀公園全名叫"中國科學院西雙版納熱帶植物園"。出名既係規模大，植物園係係瀾滄江同支流羅梭江圍住既一個島，係整個島。照資料，園林面積有900公頃，中外熱帶植物3000種。最有名係裡面有個珍珠都無咁真既天然熱帶雨林。無需考慮，出發！
行入景洪汽車站，搵熱帶植物園所在既侖鎮。侖係去腊既一個中途站，
一個小鄉村，離西雙版納八十公里。車票十五蚊，有去程無回程。發車不定時，鐘意就開唔鐘意就唔開。買十二點鐘車票，因班車既關係改到一點，後因誤點既關係改到一點半。就、咁、我就係車站坐左兩個半鐘頭。
*周圍仍然係好多怪字，不論係傣族文定係中文。
開車，全程山路，拋上拋落個隻。可能因為係主要交通山路既原因，路段都有基本安全措施，比如路邊無樹木既地方都起左一排排，高一呎既紅白色石屎護欄。令你既坐駕就算發生車禍都唔會直飛入三十米以下既瀾滄江—都算比想象中先進。事實上，全段路面都只有五至六米闊。來
回程兼行，每有對頭都係車貼車駛過。都幾刺激。
*沿途都有影下瀾滄江景色，石搏之下就係懸崖—
車程兩個鐘多少少，沿途經過連錦十多公里既香蕉園，無數既橡樹園，同埋十多公里既菠蘿園。過程痛苦。係侖鎮落車之後，周圍問人，再步行一公里後。黎到葫蘆島閘口。
珠羅紀公園，三百米既吊橋，搖下搖下。四面環江，所以島上有三座吊橋作為出入口，島上面仲有自己既發電站同水壩，完全係珠蘿紀成者"Lost"個d格局。跟住由於時間緊迫，盡快去搵熱帶雨林。
*沿途
*沿途
*沿途
地方太大，由入口走到熱帶雨林都有三公里。行左半個鐘。終於進入熱帶雨林。
地方極偏遠，換黎既好處就係成個植物園差唔多一個人都無，探險既感覺好濃烈。同時，如果失足滾落山坡，叫天不應亦都係非常肯定既事。
*熱帶雨林
沿途仲會有樹幹欄路
終於遇到人，由河南黎玩既一對夫婦加個小朋友，約好左一齊搵順風車離開。小朋友好可愛。
最後補多張雲南日落，行番三公里出侖鎮。半個鐘頭後成功截到架順風車番西雙版納，模黑行車兩個半鐘後回到旅館。
[旅遊系列]西雙版納 --- 老闆好好人呀！
離開昆明，去西雙版納無鐵路通行，即係要搭巴士。係昆明汽車南站準備好已係早兩日買既車票。臥鋪車既經驗係，愈早買飛位置就愈近車頭。即係愈方便。一如所料，一號位。最近門口！yeah！
昆明有五六個汽車站，同交通一樣，亂到飛起。之前已有所聞，今日一見真係超亂。無列車時間表，誤點無廣播，到站無通知。自己出去逐架逐架車搵。終於搵到上車，晚上八點鐘開車第朝八點半到達。車程十二個半鐘頭。路面狀況極好。
早上到達西雙版納汽車站，坐出租車去觀光酒店，五蚊。旅館話，係西雙版納坐出租車，去市內任何地方都係五蚊。到後打比預訂好既豆豆家庭旅館，老闆超好人。親自出黎迎接。房間好整齊光線充足，老闆仲好詳盡講解西雙版納既旅遊地方同交通，有問必答。真係難以想像既服務態度！
整齊既房間
[旅遊系列]雲南昆明 --- 雜記
同房既Dido，深圳黎既。
同房既 Ignacio，阿根延人，Funny街一個。呢兩日同佢同Dido都係一齊玩。
遇見番係廣州識既日本人 Alex~
旅館既貓貓
炒既刀削面---好好食
喂海歐既小妹妹
大理玫瑰啤---真係有玫瑰香味
大觀樓裡面正好有郁金香花展
訂閱：
文章 (Atom)