細過睇超人, 一見超人飛天就嘩嘩聲. 後期見得超級英雄多(卡通片), 感覺仍然無以前個種咁興奮. 超人同其他超級英雄有一樣野好唔同, 就係超人太勁啦, 基本上超人係無敵!! 刀槍大炮原子彈都不能傷佢分毫, 扔佢上太空佢又識飛又唔洗吸氧氣. 咁仲有咩野戲做?? 於是偉大既編劇惟有為超人做左個弱點---黑氣石!!!
有左黑氣石, 先至可以營做到英雄片Classic 既劇情---超級英雄比大奸角打到低潮然後風迴路轉英雄回復力量打瓜大奸角!!. 不過由於超人片既先天不足, 劇情亦都只可以安排到超人同奸人首領係前大半段都係無見過面!!! 梗係啦, 如果見到, 無敵既超人係 0.001秒內就可以眼放死光射瓜奇雲史柏斯, 無論奸角用任何方法走得甩都係唔合理既!! 
因為超人飛得快過子彈, 死光可以射穿任何野, 又有透視眼. 真係俾佢玩晒, 呢份劇本都真係相當難寫......
但係, 只要你係睇過基斯杜化既超人既 fans, 劇情犯唔犯駃都以經唔重要, 開場響亮既超人音樂加上畫面大大個"S" 標誌. 個種 "番黎啦" 既震撼以經超過一切, 經典始終係經典. 永遠不滅....
超人萬歲!!!!!!
p.s. 新既Lois 靚過舊個個好多~~ ^.^
0 留言:
發佈留言