朋友是中國人, 一個人住在深圳一幢私人樓宇. 大慨就是咩咩商城咩咩花園左右吧. 從來沒有去探訪過, 今天心血來潮, 登門造訪. 一般人都認為大陸生活質素低落, 物質短缺, 缺乏享受. 此行比我深深咁感受到, 自己既住屋質素係可憐到咁既地步.
一個普普通通既住宇單位, 大陸既標準就是150個平方米. 現場既估計, 以香港私人樓既標準, 超過2500呎, 玄關(比你除鞋個個位)都有50呎, 則邊仲要附設一個面積70呎, 蔚藍灣畔式大露台. 大廳連客廳超過500呎實用面積, 廳房迷你複式設計, 客廳入房有四級樓梯. 13呎樓底, 三房兩廁. 全屋典雅裝修. 格局有如樓盤示範單位或雜誌專訪名人屋企咁樣樣. 參觀完呢個家, 我發現自己係香港既屋企同籠屋無分別. 相信如果係香港, 我做一世(或者兩世)甚至中六合彩都應該支持唔到呢個住屋環境. 而呢間屋既主人呢, 亦都唔係咩達官貴人, 富豪階級. 佢只係一個獨居, 畢業無耐, 比我小兩歲既銀行職員.
生活有時就係咁無奈, 大陸既人咁想黎香港. 香港人反而走番去大陸住. 做人得個幾十年, 如果呢一世都要匿係呢個500呎既窩居, 層樓就算升左十倍. 唔通留番d錢黎係地府起酒店?
0 留言:
發佈留言