話說上兩個星期. 剛剛係公司樓下泊車, 平時公司樓下既電單車位都車頭湧湧. 唔慌有位架啦. 點知一停低, 竟然有個大窿係到無人泊, D 車寧願擺到出晒界都唔放入去. 正覺出奇. 原來, 個窿隔離有架 Susiki 復古車成塊倒後鏡比人"批"爆左, 碎片散晒一地個邊正正就係個窿個邊, 個個都唔敢放架車落去驚比人誤會係殺"鏡"兇手. 雖然缺德, 但係心中暗暗都笑個位Susuki 車主 "你都唔好彩啦~~"
點知報應就黎啦, 尋日羅車. "EE!! 無左塊倒後鏡既!!??" 架車左邊倒後鏡成塊連個柄比人"擰"左出黎!
完全唔知去左邊!! D人無人性架. 我架車咁舊. 個倒後鏡又花又殘. 都唔知偷黎做乜!
聽日買番個單車用既, 用膠紙"癡"番係原位算數!!
0 留言:
發佈留言