隨著各種 miniblog, 社交網站愈來愈普及。係唔同既社群下有唔同既平台，要管理咁多既通訊開始變得麻煩。近數月係大陸生活，為左迎合國內同胞，除多一向用開既twitter之外。又再加左國內開發既飯否Fanfou。再加上facebook,自己既blog等等，要update既野愈黎愈多。所以打算做個聯播，以後只要update其中一個，其他產品就會自動同步。
個人比較偏向係飯否開始作更新，因為飯否有綁定MSN/QQ 既功能，令到出文非常方便。反twitter 只能綁定GTalk等等唔多普及既IM(本人咩都有，就係無GTalk!)。所以先用飯否同QQ連起黎。再讀取飯否既RSS，輸入到twitter裡面。
呢個時候就要用Feedlr. Feedlr 可以係相隔固定既時間，抓取指定RSS 既內容，加入到twitter,飯否同嘰歪，做到更新一個等於更新三個既效果。
係飯否既我的空間入面，右下角就有RSS 資料。將呢條連結複製，用RSS閱讀器就可以睇到裡面既內容。
申請好Feedlr 之後，按右上角新增一個 New Feed, 係input feed 填入在飯否複製既RSS 連結。係下面新增填上你想 Feedlr 幫你更新服務既資料。Feedlr 就會自動幫你更新twitter。
可惜最短既更新時間只能設定係30分鐘，而且飯否既RSS 輸出更新亦有少少遲緩。唔多夠即時…
做好之後去twitter 一睇，問題就黎啦—
飯否既RSS 輸出預設係包括用戶名的，經Feedlr 加到twitter 後名字就重覆了。而且在飯否@的對話也同樣同步到twitter 裡面了。變得好礙眼。簡單講，飯否輸出既RSS 唔係咁岩用。
所以就要利用 Yahoo Pipes 將飯否既RSS 做少少修改：
先申請好Yahoo Pipes, 點Create a Pipe。出現一個空白既工作檯。
在左邊既Sources 拖放一個Fetch feed 到空白既地方。然後係URL 上面貼上飯否既RSS 連結。
從畫面下方既Preview 可以睇到，RSS 既主題同內容都有名字。所以下一步就係左邊Operators 下面拉出Regax 既表單，選擇item.title 與item.description ，係replace 打上自己飯否既用戶名，右邊留空。然後拉出一條線將兩個功能表接上。
如圖以經可以見到，Preview 入面既title 以經無左用戶名。然後再拖出一個Filter，將帶有@既對話消息都隔走。並用線將佢地連起來。最後將Filter既尾部連上Pipe Output。
當全部完成之後，Save。然後按Run Pipe。做好左既RSS 就可以經Feedlr輸入到 twitter或嘰歪裡面。然後再將Blogger，Facebook 等等既狀態同步到twitter。以後，只要係QQ/MSN 輸入狀態，一系列既產品都會全部自動更新！
0 留言:
發佈留言