[旅遊系列]初到武漢

http://snake-planet.blogspot.com/2008/06/blog-post_05.html

由西安到武漢，下午四點半開車，十三個鐘頭，硬座。每逢過夜硬座車，情況都一定係十分混亂。不過今次坐既係K線車，空調快速，唔算好辛苦。只係$115蚊既人仔，可以帶你穿越兩個省。仲想點。火車晚點兩個小時，轉埋車找到旅館，以經係上午八點半。

坐硬座，最大既樂趣係見到各位平時打扮得誇張嬌俏既女郎。晚上嘗試訓覺既奇形怪狀。香港人一向夜訓，平時唱K 都唱個天光先訓。但係大陸同胞就無咁多有呢個習慣啦。每到九點鐘就見佢地係到扭來扭去。短裙高跟鞋者一樣將隻腳四圍搵位放，眼訓最折磨人。半夜一點鐘，走光又好，甩假髮又好，絲絨爆線又好。唔理得咁多，訓左先算。

另一個好有趣既地方，就係我國既偉大解放軍。同車就仲有三十幾個解放軍同胞，全程唔洗訓。吃喝玩樂，龍精虎猛。睇黎受過軍訓，體質果然有別。

訓醒後再去遊覽!