黎成都，點都要食下有名既川菜同麻棘火鍋。
成都既火鍋，當地一般叫火鍋或紅油火鍋。大陸仲有好多種其他鍋，常見既麻棘燙又同麻棘火鍋係兩回事。
同個當地人黎食，鍋底上桌，顏色的確係赫人。一般黎講，紅油鍋底係免費既，皆因大多係回收油。無錯，就係聞名天下，諗起都想嘔既循環再用鍋底，包括圖片呢一鍋。如個需要加一個清湯底，反而個清湯係要加錢既，真奇怪。
更令香港人覺得恐佈既，就係呢個叫做"油碟"既東西。"油碟"其實就係平時既醬料。不過成都人係用一整碗既菜油黎做醬料！將蒜粒，香菜，蠔油等等放人呢碗油裡面做成醬料。不過實話實說，只要忘記健康既問題，呢種火鍋搭配呢種"油碟"真係特別好味！
臨走前，當地人教授左分辨再用鍋底與非再用鍋底既大法。原來一d有規模既火鍋店以經採用非回收既鍋底，用完即棄。當火鍋食完之後，如果鍋底變成橙紅色，代表係曾經過無數次再用既回收油，如果鍋底係深紅色，就代表係新油。
好野，食完先知，真係唔知好過知…
0 留言:
發佈留言