我要做主角!
人生就如電影, 有人四歲以經係影后. 亦有人一世浮浮沉沉. 隨左幸運之外,能夠控制既相信只有對成名既執著與付出. 令你努力向自己既目標前進.
我係一個執著既人.
從來, 我都係一個不安現狀既人, 有屋企唔住要搬出去, 有舒服工唔做走去捱世界. 正如今次, 有大路唔行我偏去揀條難爬既, 仲係好難爬.
所有野都係一個原因, 我要做主角.
亦都唔係話咁易, 正如今日話比你做主角, 有無料做固然係問題, 事實係, 你有無咁既膽色去試以經難到好多人. 唔少人權衡輕重, 比較利害之後發現擔大旗壓力沉重, 工作繁忙, 要求嚴格而決定繼續做番茄厘啡算數.
呢 d 人, 註定一世都係茄厘啡.
逃避係一個習慣, 只要逃避過一次. 以後都會逃避落去, 茄厘啡就係咁樣形成.
無錯, 做茄厘啡係好容易, 要求隨便. 求其交行貨, 無人會話你. 行行企企又搞店. 因為你係茄厘啡, 無人會對你有期望.
但係有d 傻人唔接受自己係茄厘啡, 要出名, 要做 key person. 為乜? 其實無乜. 只係有人生出黎就係唔甘心平凡一世, 要做大人物.
就係呢種執著, 我諗唔到有咩原因要我選擇去做茄厘啡. 選擇過一次, 以後都唔會有力量再向上爬.
要做, 就要做主角.死人都係咁話~
责任感爆棚的完美主义者的活法
10 年前
0 留言:
發佈留言