遊金殿，最重要係了解明清兩朝既歷史。呢座殿係明朝萬曆年間建成，明崇禎十年"1637" 被移到賓川。清康熙十年"1671"當時既平西大將軍吳三桂下令重建金殿。
係昆明仲可以搵到好多當年吳三桂下令修建既好多寺廟文物。
金殿係全中國最大既全銅建築物，由門窗屋簷到橫梁地版全部都係銅做。不過好多位都以經生左秀，睇唔到"金殿"個種金碧輝煌。不過黎到幻想下當時吳大將下令溶銅十萬斤既場面
，都幾有幾有趣味。
金殿隔離仲有個"吳三桂與陳圓圓文化苑"咁上下既野。裡面有兩件古物，分別係真武七星劍同吳三桂大刀。七星劍全銅做，原本係掛係金殿裡面做真武大帝既佩劍既。而家拆左落黎做左文物。"唔知係咪驚被人偷呢？"吳三桂大刀真係吳生用過既，木柄，重12斤。當年吳生被封平西大將軍，所以將自己用過既木柄大刀留係太和宮"金殿"以炫耀其威武。果然，同傳說中豪傑用既兵器，把把百二斤，二百斤。有d ；出入。古人始終都係愛吹水既。
吳三桂大刀
吳三桂"沖冠一怒為紅顏"引清兵入關，陳圓圓成為改朝換代既關鍵。
大觀樓，昆明市中心既西南邊。算係市內比較有名既景區。大觀樓周圍開辟左個大觀公園，裡面有盆景花園，遊樂場，滇池。入場費少不免，還好尚算合理，RMB$10。入到場，大觀樓未睇到，反而先睇到個奇景—
無數既海鷗，飛黎池邊等人喂，數量之多難以想象。仲之整個池都係，岸邊亦有人賣用黎喂海鷗既面包。無數人無懼禽流感，整個人擠身鳥，弄得一身雀毛。據聞附近仲開左家"候鳥老人院"專比老人家睇雀云云，都唔知真定假。
睇完海鷗，黎到大觀樓。大觀樓出名既地方係門口有對"天下第一聯"，係聞名天下既長聯，由清代名士孫髯翁所作。上下聯各長一百八十字。我文化修養唔夠，睇落有d 九唔搭八。不過，園內既小橋流水亭台樓閣又真係保養得幾好。係我去過既公園入面比較靚既一個。
P.S. 跳躍相，當然啦
一大朝係廣州坐飛機去昆明，飛行時間只係兩個小時。但係由廣州"空港快線"坐車入機場就要一個半鐘頭。加埋各上落機手手續，踏入昆明市己經係下午三點半。
對昆明市既第一個感覺係—交通混亂。昆明既交通係我去個既城市裡面最混亂既，馬路係傳統既環形規劃。但係由於車太多，絕大部分既路口都係不准左轉。導致好多車都係同一個地方不停轉圈。公交車既配備好有規模，有電子錢幣系統，有報站系統。全昆明市有超個一百條公交車線路，但係由一個地方去一個地方，仍然係非常困戁。每架車都係市內兜兜轉轉，連當地人都搵唔到車坐。最奇妙既係，來回行車線既線路係咁排法既，由左到右分別係：汽車"轉右線"，單車線/電動車線，單車/電動車線，公交車站無錯係中間"，反方向：汽車線，汽車線，單車/電動車線。無轉左線。呢一堆咁既野交織成一個個既十字路口。汽車轉彎需要"鏟過"一大堆單車同電動車，坐公交車亦都要"誇過"兩三條行車線先去到車站。道路之窄，場面之混亂，真係令人大開眼界。
就連預定左既旅館，係地圖上亦都搵唔到有關地址。我甚至有少少懷疑個地圖有d唔岩。搵左成個鐘頭先成功係旅館落腳，今日先休息。明天再出去遊覽。
黎到雲南，梗係首先食番碗雲南過橋米線先啦。
問左市中心附近比較出名既一間店，攪鬼既係店裡面真係有座橋，要係叫左過橋米線既客先可以係橋既另一邊坐。真夠怪！
一向係香港食既過橋米線都係一碗既，黎到先知原來正式既係咁既！
所有上檯既豬牛羊雞醡菜蛋等等，都係生同埋凍冰冰既，米線都係凍上。只有碗大湯，面頭有一層厚厚既油封住熱氣，所以碗面無煙。其實近d睇，d湯仲係層油底下沸騰緊！ 所有佐料都切成薄片，一灼就熟。非常鮮味！
P.S. 餐牌上有警告客人小心被湯燙到，好誇張。
搭地鐵！好方便！ --- 雖然廣州地鐵既標語唔係咁。但係係廣州搭地鐵確係方便。係各主要活動區域都有地鐵站相連。由旅館既芳村站去到烈士陵園站都唔洗十五分鐘。由於隨行人數由我自己增加到三個人，所以一般活動既過程都會變得緩慢。呢個亦都附合番呢個時間過多既旅行既節奏。XD
今次就係烈士陵園磨左半日。相比起旅行團，我地真係多好多時間做埋d 無謂野。同時因為人多食野方便既關係，呢三日都係以食野為主。
景點方面，各有名既步行街 --- 北京路，上下九等都可以搭地鐵去到。另外，沙面既西式建築物都值得一去。出租車可以既話都唔好坐，因為都唔算平。
係廣州既洗費：
行： 由西樵山到廣州大巴 $20，廣州地鐵由$2到$4左右，來往珠江既小輪日頭$0.5 夜晚$1
住： 青年旅館-五日 $
食： 兩百零蚊掛？街邊野太多，好難計錢。(最貴係$50 Starbucks)
P.S. 在廣州辦好所有銀行開戶及香港匯款等等既事務。可以安心上機。
離朋友到步仲有成兩日，為左唔好以後再重複行程，好多有名既地方都唔去得住。所以惟有係附近食下飯，飲下野，同旅館既住客
傾下計算數。不過點都有先去一去上下九呀，北京路等等先行飽飽口褔先啦！
南海觀音隔離，有西樵山十景既其中一個比較出名既—石燕岩。 呢個時候我以經彎彎曲曲咁行左超過十公里上山。好彩沿途識左班由江門市黎既朋友，有講有笑兼有人帶下路，所以無行得咁多辛苦路。其實山上面既指引係比較少，大部份既行人路都無指明係去邊度。
路途上都見好多人行錯路番轉頭。
下午四點，黎到石燕岩既無葉井。左邊興致勃勃係度用井水洗面既就係我班朋友。XD 相傳無葉井泉水向上湧，綠蔭敝日但係井口無落葉。所以叫無葉井。但係我地就搵笨地發現井水有一塊葉。哈！都係得啖笑—
P.S. 仲有個景點叫浸佛塘，無咩睇頭但係環境好舒服。
後記：西樵山係一個行到跛腳既旅遊點。估計我係山行左超過二十公里(未計上山落山)。而且住宿同飲食都算少少貴，設備都有d缺乏。建議想去玩既人準備多少少。附上我既大概開支—
車費(RMB$)：開平到佛山汽車 $49 (超貴！我諗可能係新春價。)
佛山坐摩托車去到南海既公交車站 $5
公交車到南海西樵車站$5
坐摩托車從西樵車站到西樵山白雲洞入口$8
往後進進出出市區與各景區與酒店等等，無數個$3-$5
住：青年旅館 $50 每日，兩日共$100
食：各餐廳酒樓由$15到$30不等，有少少貴。西樵大餅$4-$6兩個。
門票：西樵山森林公園門票$50。包括所有景區(你行得完的話)。上山纜車$30，本人無坐，選擇行路上山。
