[旅遊系列]盧沽湖 --- 大逃票

https://snake-planet.blogspot.com/2008/03/blog-post_09.html

係麗江先出發去盧沽湖，住兩三日再番黎。由麗江去盧沽湖有直接既中巴到達，車票七十蚊。但係係到達盧沽湖之前二十公里就以經會先遇上售票處，收取八十蚊既門票。為左逃票無所不用其極既我事前己經搜集過資料，決定唔坐游客專車，用偷渡入境既方法逃票！

由束河古鎮時既原班人馬四人，買左由麗江到寧蒗既汽車票上車。寧蒗係係麗江同盧沽湖中間既市鎮，普米族既居住地。亦係物資運送到盧沽湖、永寧等地既中途站。車程三個半小時，連接既"麗寧公路"其實都係一個景點黎，有名"麗寧十八灣"。其出名既地方在於危險。路窄山高加上無數個一百八十度彎，悄有意外就係全車跌落山崖，或者係山坡滾動二百米。其本上都好難生還。


到左寧蒗，先坐低食飯。再開始逃票大作戰。
食緊飯既途中我地以經物式緊可以供我地"偷渡"用既貨車，計劃就係混係貨車入面偷渡入境。前人話呢招萬試萬靈。最終同三四個司機討價還價知後，我地終於同其中一位達成協議。用每人五十蚊既價錢協助我地"入境"。車程三小時

於是，場面變成咁…



狀況極搞野，完全同笑片一樣。貨車係山路上面轉黎轉去既同時，我地亦係車裡面 fing 下 fing 下。

到達盧沽湖。正當大家認為，人蛇狀態可以完結既時候。第二件事又黎啦，原來貨車到既盧沽湖只係到達外圍既落水村，離我地要去既里格村仲有十多公里！而該地交通資源又極貧缺，包車入村要收五十大元！於是，係一日之內、我地又爬上左第二架貨車既車斗上面…



咁痛苦，目的只係慳番每人七十蚊"入場費"。同埋到步後大家相擁而泣高呼"We made it!"既快感。所謂，做人就係為左個份堅持…

(盧沽湖待續)

[旅遊系列]盧沽湖

https://snake-planet.blogspot.com/2008/03/blog-post_05.html

七個半小時車為左逃票，爬左上貨車上面，人蛇式進入。
摩梭族，母系社會，無人有爸爸。小孩子全族供養
山歌對唱，民族溝火晚會。可惜，無銀行。銀兩有限。過幾日就要走。

[旅遊系列]麗江 --- 束河古鎮

https://snake-planet.blogspot.com/2008/03/blog-post_4593.html

束河古鎮，係麗江古城附近。同麗江好似既一個古鎮。係地理位置上，佢比麗江更近玉龍雪山。景觀更靚，地方都比較原始。雖然作為茶馬古道重鎮既麗江城係比較有規模，但係呢邊又有寧靜度假既價值。

由麗江去束河，車程十多分鐘，出租車十二三蚊。係旅館又勾搭左兩個男仔一齊去。一個馬拉人，講廣東話既，由香格里拉玩番落黎。一個移左民溫哥華既香港人，影相佬。一行四人迫架出租車，每人先三蚊。去到古鎮門口，慣例地… 逃票！因為束河門票三十蚊，關鍵係進入麗江既景點，首先要買一個麗江古城維護費 — 即係保護費，八十大元！我地由售票處附近既巷子，撓過售票處。成功進入古鎮。

今次跳得好怪


格局同麗江差唔多，但係人少得多。相對地，賣野既人少d，說包車、說參團既人都少d。舒服得多。
依舊既小橋流水




束河其中一個景點 --- 九鼎龍潭
名字響璫璫，但係其實只係一個水池



反而隔離既三眼井比較有意思。納西民族將一口井順流分成三個潭。上層飲用，中層洗菜，下層沖涼。各取所需。

[旅遊系列]麗江 --- 探訪民居

https://snake-planet.blogspot.com/2008/03/blog-post_08.html

朋友既朋友介紹之下，我同一齊黎既朋友獲邀請去一位藏族阿姨屋企食飯。第一日到麗江古城之後就打的去左佢屋企。

少數民族十分好客，黎到時以經整理好房間邀請我地係佢屋企住宿。但係我地怕太麻煩到人，決定都係住番旅館。

阿姨係農村人，因為仔女要讀書，所以搬左黎麗江市住。阿姨媽媽只懂藏語，同我地講野我地都係估估下。阿姨經常同啊婆上山採菜，採菇。食飯都係一d平常食唔到既農家菜，全天然成份。連一齊黎既大陸朋友都覺得難得。材料原始，味道真係好好!


山上採既無名野菜湯、山上採既野生菌、山上既土豆、
鄉下自己做既豬油、鄉下帶番黎既土雞蛋。



拍個照留念
(左起：大理識既朋友、阿婆、阿姨、我)
p.s.仲有一個朋友無上鏡


食到無停口

[旅遊系列]麗江 --- 古城

https://snake-planet.blogspot.com/2008/03/blog-post_1228.html

咩都唔講住，先出相

[旅遊系列]麗江 --- 到步

https://snake-planet.blogspot.com/2008/03/blog-post_03.html

從大理到麗江。係旅館有代理直達巴士，車費$45。車程三個半小時。我下午兩點鐘出發，下午五點半鐘到達麗江客運站。落車時仲搞唔清楚自己身在何方。直至係對面馬路見到"麗江古城"既朝牌，先知道原來以經直接到達。

事前以經知道麗江古城，道路錯綜複雜。由玉龍雪山流落黎既山水，分成千百條小河,。穿街過巷，跨門入戶。所以預定既旅館都提醒要小心跟住佢地既指引行。以免迷路。所以一入城，立即一步步跟足指示走。

一分鐘之後，果、然、迷、路、了！名不虛傳！完全唔知自已係邊。每條大街小巷都斷開幾截。門牌號碼九唔搭八，連當地人都搞唔清楚店鋪位置(因為太多了)。第一次懷疑自己會搵唔到。

神奇既事發生！一轉彎，旅館就係前面！前後唔夠十分鐘！更奇妙既係，雖然以經到左，但係仍然完全唔知自已係邊！完全純幸運。呢種城市結構真係嘆為觀止！
(直至打此文時以經係兩日後，我仍然要羅住地圖逐條街對先番到黎…)

旅館地方古色古香




旅館大量狗狗既其中一頭

[旅遊系列]大理 --- 後記

https://snake-planet.blogspot.com/2008/03/blog-post_7335.html

係大理總共消費：

車費：從西雙版納到大理，車費$177，車程十六個小時。
大理公交車無數個一蚊。
坐三輪車來往各景點，一程$4-$6。共大約$20
由天龍八部城騎馬落山，$5

住：青年旅館$20 一床，五日共$100

食：經常痴餐，連各零食水果加加埋埋大約$120

門票：天龍八部城打折後$45


為食既狗狗


帶豬趕集既村民


下關既景點…明珠廣場


喜洲拜奇怪神既廟


冒死餵狗既朋友

搵食行遠D --- 喜州破酥粑粑

https://snake-planet.blogspot.com/2008/03/d.html

破酥粑粑
大理喜州民旅特色小食，古法炭燒，有豬肉或豆沙餡等等。做法無非都係面粉加餡料。但係最特別既係如此古法，居然有底面火雙面烤既技術。令成品兼香、酥、軟。方法係將做好既面團蓋係炭火上，再係上面蓋上一層用細孔網裝位既炭。然後用風鼓向下吹。令到面層熱力經網孔吹向下面烤熟面團。炭灰又可以比細孔隔走。好聰明！

[旅遊系列]大理 --- 喜州民族，三方一照壁、四合五天井

https://snake-planet.blogspot.com/2008/03/blog-post_02.html

由大理古城坐中巴，四十五分鐘到達喜州。
喜州係白族民居，到處都見到穿著白族服飾既婦女。傳聞既一方一廊、三方一照壁、四合五天井，因為嚴家大宅昂貴既入場費而睇唔到。但係就比我遇到我一向鐘意既扎染工藝，一個白族婦人帶我去睇佢屋企既扎染工場。

扎染工場都係傳統既白族建築


一家大細，將一塊塊布用綿線扎成一舊。
經染色後拆開綿線。第一次直接睇到扎染既製作過程。

扎成一舊既樣


屋主話，而家係喜州只係剩番四戶人家仲有做扎染。再遲d 可能會愈黎愈少人再做呢種工業。

染好後

[旅遊系列]大理 --- 趕市集

https://snake-planet.blogspot.com/2008/03/blog-post.html

大理既村莊每七日都有一個"趕集"既活動，每個村民都係個日做日常既買賣。今日一朝早就去睇"趕集"盛況。

尋晚落完雨，蒼山多左好多雪。


山上人有個習慣，佢地住係山上，每朝起身都會睇一睇個山今日有咩變化。有無咩唔同左。同我地每朝一起身就睇下個股市有咩變化。其實個原理都係差唔多。

前兩日認識既山上姑娘帶我地去市集既地方-三月街。村民都將自製既手工產品羅出黎賣。
也有d 各種各樣手工同裝飾品。村民都背住個背匽黎買野。好熱鬧。

草帽孖辮，好可愛。

市集裡面有賣既野好多好奇怪，包括好多村民自制既工具，食品同草藥。其中最怪既有：

由車胎做成既水盤，仲有手抽位。


大量棘椒


當放既野太大時，佢地就用呢種頭帶黎揹野。


赫人既土法拔牙服務。