[旅遊系列]搵食行遠D --- 廣州篇1~~

https://snake-planet.blogspot.com/2008/02/d-1.html

先睇圖!! XD

究竟呢串係咩？ 遲D開估!

[旅遊系列]南海西樵山3 --- 石燕岩

https://snake-planet.blogspot.com/2008/02/3.html

南海觀音隔離，有西樵山十景既其中一個比較出名既—石燕岩。 呢個時候我以經彎彎曲曲咁行左超過十公里上山。好彩沿途識左班由江門市黎既朋友，有講有笑兼有人帶下路，所以無行得咁多辛苦路。其實山上面既指引係比較少，大部份既行人路都無指明係去邊度。路途上都見好多人行錯路番轉頭。

下午四點，黎到石燕岩既無葉井。左邊興致勃勃係度用井水洗面既就係我班朋友。XD 相傳無葉井泉水向上湧，綠蔭敝日但係井口無落葉。所以叫無葉井。但係我地就搵笨地發現井水有一塊葉。哈！都係得啖笑—


P.S. 仲有個景點叫浸佛塘，無咩睇頭但係環境好舒服。






後記：西樵山係一個行到跛腳既旅遊點。估計我係山行左超過二十公里(未計上山落山)。而且住宿同飲食都算少少貴，設備都有d缺乏。建議想去玩既人準備多少少。附上我既大概開支—

車費(RMB$)：開平到佛山汽車 $49 (超貴！我諗可能係新春價。)
佛山坐摩托車去到南海既公交車站 $5
公交車到南海西樵車站$5
坐摩托車從西樵車站到西樵山白雲洞入口$8
往後進進出出市區與各景區與酒店等等，無數個$3-$5
住：青年旅館 $50 每日，兩日共$100
食：各餐廳酒樓由$15到$30不等，有少少貴。西樵大餅$4-$6兩個。
門票：西樵山森林公園門票$50。包括所有景區(你行得完的話)。上山纜車$30，本人無坐，選擇行路上山。

[旅遊系列]南海西樵山2 --- 南海觀音

https://snake-planet.blogspot.com/2008/02/2.html

西樵山通山都係曆史立化古蹟, 十大景點分佈東南西北加山頂. 想睇晒, 一係就搭番一百幾十蚊車, 一係就行到pk. 我就係行到pk 個個. 事實上好多游客都係係山腳行幾步, 求其睇幾座廟就走. 白白浪費左價值五十大元既門票. 呢個亦係呢個景區無咁受歡迎既原因.

行到腳軟, 終於見到南海觀音~~~

呢個觀音感覺上比香港個大佛大好好好多... 介紹話佢係地球上最大既觀音像. 無他既, 度度起既都唔一樣, 跟本都無得比較...

觀音樓下既寶峰寺有觀音素食賣, 正好做午餐. 估唔到仲幾好食tim~

[旅遊系列]南海西樵山

https://snake-planet.blogspot.com/2008/02/blog-post_09.html

去西樵山為左睇南海觀音, 而且朋友初七約我去廣州玩. 時間尚早, 再去四圍玩玩先.

係開平經佛開高速公路到佛山汽車站, 再係佛山坐公交車去西樵車站. 到站後再坐摩托車去西樵山腳. 路途都算曲折. 先係山腳既青年旅館住一晚. 第二朝再上山.

旅館都幾舊, 其實西樵山以經係幾鬼耐既旅游景點. 可能加上春節關係. 同圍都幾冷清. 希望日頭上到山會熱鬧d 啦.

[旅遊系列]江門市 - 開平碉樓

https://snake-planet.blogspot.com/2008/02/blog-post_08.html

從中山坐車一個半鐘到達開平，經司機帶路去睇開平聞名既建築 - 碉樓.
開平一般旅行團會去自力村碉樓或者立園碉樓。但係以上既以經成為國家景區。入場費高昂。好似立園咁，去到景區門口發現入場費要六十大元！於是經司機介紹下我去左比較少人去既硯岡村瑞石樓。

瑞石樓門口竟然有一個自稱(唔知係唔係)樓主後人既男人係到長期當值! 呢位樓主向每個到訪既遊客收十蚊"入場費"。沿途佢一直同所有人好流利咁介紹樓入面既設施，包括有一百年歷史既火水燈，價值八千萬既酸脂檯，一百萬既拐杖等等等等。江湖術士既感覺好濃厚... XD

但係無論如何, 咁中西合壁既古代建築始終值得一睇~~

P.S. 呢個係我~~

執包袱

https://snake-planet.blogspot.com/2008/02/blog-post.html

忙於準備離港前既行季. 睇真d, 原來仲有好多野都未買. 由於離港既時間比較長, 所以有好多本地既個人事務要安排... 好似賣樓呀... 賣車呀... cut 呢樣 cut 個樣呀...

笑死我~~~~

https://snake-planet.blogspot.com/2008/01/blog-post_27.html

唔掂~~~
呢個真係好搞笑~~~

EeePC 入手!!

https://snake-planet.blogspot.com/2008/01/eeepc.html

為左成日四圍去都可以同外界聯絡，所以番黎香港之後就買左部 ASUS Eee PC.。

買呢部野，最大既原因係因為平。四為走最常發生既事係唔見野，所以買野絕對唔貴得。呢部野就岩岩好！

[旅遊系列]杭州之旅

https://snake-planet.blogspot.com/2008/01/blog-post_21.html

今次無點帶相機出行, 惟有手機影幾張沿途風光比人睇下.

另外上海遊既相, 可以係呢度睇:

http://picasaweb.google.com/hyshea

失蹤左半年

https://snake-planet.blogspot.com/2008/01/blog-post.html

由於做左一份賣身既工作, 所以半年黎完全無 update過. 大家可以當我呢半年係空白左得啦. 人生由而家—再開始!!!!

短時間之後會有一次旅行, 到時再慢慢 update吧~

蛇